Mınıstrliktiń málimetinshe, qazirgi kezde Android operasııalyq júıesi bar mobıldi qurylǵylarǵa zııandy baǵdarlamalardy júktep, taratý faktileri anyqtalǵan.
Byltyr IIM 85 mıllıonnan astam alaıaqtyq qońyraýdyń aldyn aldy
Alaıaqtar mundaı qosymshalardy ártúrli tásilmen taratady. Atap aıtqanda:
- Messendjerler men áleýmettik jeliler arqyly fıshıngtik siltemeler jiberý;
- Jalǵan mobıldi qosymshalar usyný;
- Foto, beıne nemese qujat retinde jasyrylǵan zııandy faıldar taratý;
- Memlekettik organdardyń, bankterdiń nemese jetkizý qyzmetteriniń atynan habarlama joldaý;
- Aksııaǵa ne utys oıynyna qatystyrý syltaýymen qosymsha ornatýdy talap etý.
«Zııandy baǵdarlama ornatylǵan soń, qaskóıler telefonǵa qashyqtan qol jetkize alady. Sonyń saldarynan shottaǵy qarajat urlanýy, onlaın-nesıeler rásimdelýi, jeke derekter men hat-habar taralýy nemese qurylǵy buǵattalyp, aqsha talap etilýi múmkin», delingen mınıstrlik taratqan habarlamada.
Eske sala keteıik, ózińizdi qorǵaý úshin beıtanys adamdardyń ótinishimen qosymsha júktemeńiz, SMS arqyly kelgen kodtardy eshkimge bermeńiz jáne kúmándi siltemelerge ótpeńiz. Tek resmı qosymshalardy paıdalanyp, antıvırýstyq baǵdarlamany ornatyńyz jáne bank operasııalary týraly habarlamalardy qosyp qoıyńyz.
Mınıstrlik qaýipti qosymshanyń bar ekenin myna belgiler arqyly baıqaýǵa bolatyn aıtady:
- Batareıanyń tez taýsylýy;
- Telefonnyń shamadan tys qyzýy nemese belgisiz baǵdarlamalardyń paıda bolýy.
«Kúdik týyndaǵan jaǵdaıda ınternetti dereý óshirińiz, bankpen baılanysyńyz jáne quqyq qorǵaý organdaryna júginińiz. Saq bolyńyz. Sıfrlyq qaýipsizdik ózimizden bastalady», delingen habarlamada.
