Foto: Oqý-aǵartý mınıstrligi
Sabaq mazmuny pedagogter men ata-analar qaýymdastyǵynyń usynystary negizinde jyl saıyn jetildiriledi. Jańartylǵan baǵdarlamaǵa tájirıbege negizdelgen taqyryptar engizilip, ákelerdiń qatysýymen ótetin mektep is-sharalary qarastyrylǵan. Bul – áke jaýapkershiligin arttyryp, otbasy músheleri arasyndaǵy senimdi qarym-qatynasty qalyptastyrýǵa yqpal etetin mańyzdy qadam.
Úsh negizgi baǵyt
Jańartylǵan 3.0 baǵdarlamasy úsh baǵytty qamtıdy:
-
ata-analardyń emosııalyq turaqtylyǵyn jáne ózine degen senimin nyǵaıtý;
-
bala úshin qaýipsiz orta qalyptastyrý;
-
erekshe bilim berý qajettilikteri bar balalardy tárbıelep otyrǵan otbasylarǵa pedagogıkalyq qoldaý kórsetý.
Mundaı keshendi tásil balalardyń jas, psıhologııalyq jáne áleýmettik erekshelikterin eskerip, otbasymen júıeli jumys júrgizýge múmkindik beredi.
Pedagogıkalyq qoldaý ortalyqtarynyń kómegine qansha ata-ana júgindi?
Kásibı qoldaý jáne naqty keńes
Sabaqtardy arnaıy daıarlyqtan ótken pedagogter men psıhologter ótkizedi. Ata-analar qaýymy – bala men ata-ana arasyndaǵy emosııalyq baılanysty kúsheıtý, senimdi qarym-qatynas ornatý, túrli táýekelderdiń aldyn alý baǵytynda naqty keńester alady. Ásirese, eresekterdiń jeke úlgisi men balalardyń qaýipsizdigin qamtamasyz etý taqyryptary ata-analar arasynda úlken qyzyǵýshylyq týdyryp otyr.
Júrgizilgen saýalnama ata-analardyń tárbıe isine degen jaýapkershiligi artqanyn kórsetedi:
-
73,9% ata-ana balasymen kún saıyn sóılesedi;
-
89,6%-y balasynyń qıyndyqtaryna jedel áreket etedi;
-
78%-y balasynyń aralasatyn ortasyn jaqsy biledi;
-
árbir ekinshi ata-ana tárbıeleý tásilderin qaıta qaraýǵa daıyn;
-
62%-y alǵan bilimin kúndelikti ómirde qoldanýdy josparlap otyr.
Bul kórsetkishter ata-analardyń tárbıedegi rólin tereń túsine bastaǵanyn ańǵartady.
Aıta keteıik, ata-analardy pedagogıkalyq qoldaý ortalyqtary 2023 jyldan bastap «Adal Azamat» biryńǵaı tárbıe baǵdarlamasy aıasynda elimizdiń barlyq mektepterinde jumys isteıdi. Búginde bul ortalyqtar mektep pen otbasy arasyndaǵy ashyq dıalog alańyna aınalyp, ata-analardy bala tárbıesi men damýyna arnalǵan praktıkalyq quraldarmen júıeli túrde qamtamasyz etip keledi.
Bir mıllıonnan astam ata-ana pedagogıkalyq qoldaý ortalyqtarynyń kómegine júgingen
