«Buryn qamtylmaǵan, keńirek aıtylmaǵan dúnıeler jańa Konstıtýsııada kórinis taýyp, halyq pen bıliktiń arasyndaǵy ádepti, tyńdaýdy, ádildikti kórsetetin birden bir zańdy quralǵa aınalyp otyr. Osy jaǵynan kelgende, men qalamger retinde de óz quqyǵymdy zerttedim. Sonyń ishinde senzýraǵa tyıym salynatyny kókeıge óte qonymdy boldy», deıdi Roza Muqanova.
Sonymen qatar ol shyǵarmashylyq erkindik, zııatkerlik menshikti qorǵaý máselelerine aıryqsha nazar aýdardy.
«Zııarkerlik menshikti qorǵaý degen burynǵy zańdardyń aıasynda tek bir ınersııamen ǵana kele jatty. Shyn máninde, shyǵarmashylyq tulǵalardyń, ol kompozıtor bolsyn, jazýshy, sýretshi, keskindemeshi bolsyn, olardyń zııatkerlik quqyǵy qorǵalmaǵan edi. Ony qorǵaý úshin qaı zańǵa súıenýimiz kerek, qaıda barýymyz kerek, kimge dáleldeýimiz kerek degenge kelgende qıyndyqtarǵa, kedergilerge kezdestik. Endi bul máselelerdiń zań aıasynda retteletinine erekshe kóńilim tolyp otyr. Sondyqtan 15 naýryz – tarıhı kún. Osy rette men jańa Konstıtýsııa jobasyn ádil zań retinde qoldaý úshin daýys berýge baramyn. Sebebi, bul Qazaqstan halqynyń quqyǵyn qorǵaıtyn ádiletti, damyǵan, órkenıetti elderdiń qataryndaǵy abyroıly baǵyt boldy dep oılaımyn», dedi jazýshy.
Roza Muqanova jańa Konstıtýsııa jobasyn búgingi kúnge deıin Memleket basshysynyń bastamasymen qolǵa alynǵan reformalardyń zań aıasynda qoldanylyp, bekitilýi dep baǵalady.
«Biz qazirgi tańda kóptegen reformalarǵa kýá bolyp otyrmyz. Halyqtyń belsendiligi kún ótken saıyn artyp keledi. Halyq belsendiliginiń artýy onyń reformaǵa senýi, bolashaqqa senýi, memlekettiń bolashaǵyna senýi dep oılaımyn», dedi Qazaqstannyń eńbek sińirgen qaıratkeri.
Ánshi Tamara Asar da jańa Konstıtýsııa jobasy el bolashaǵyna baǵyttalǵan mańyzdy qadam dep baǵalady.
«Mádenıet halyqty biriktiretin kúsh. Qoǵam árdaıym damyp, jańaryp otyrady. Sondyqtan 15 naýryzda ótetin referendýmǵa qatysyp, daýys berýge shaqyramyn», dedi ol.
Referendým jáne jańa Konstıtýsııa: Halyq kóp jınalatyn oryndarda aqparattyq jumys jandandy
«Jastar» teatrynyń akteri, Qazaqstannyń eńbek sińirgen qaıratkeri Dáýren Serǵazın ár azamattyń tańdaýy el bolashaǵy úshin mańyzdy ekenine toqtala kele, aldaǵy referendýmǵa qatysatynyn jetkizdi.
«Ár óner adamy úshin erkin shyǵarmashylyqta bolý, óz oıyn erkin jetkize alý, óz ıdeıalaryn erkin túrde júzege asyrý óte mańyzdy. Sebebi, óner erkindikte damıdy. Jańa Konstıtýsııa jobasynda shyǵarmashylyqqa aıryqsha mán berilgen. Jalpy, kez kelgen salaǵa, onyń ishinde mádenıet pen óner salasyna jańa qadamdar, jańashyldyqtar óte qajet. Sebebi, jańa tynyspen mádenıet pen óner damıdy. Al bul salalardyń damýy elimizdiń rýhanı baıýyna yqpalyn tıizedi. 15 naýryzda ótetin referendým barshamyz úshin jańa jáne mańyzdy qadam dep oılaımyn», dedi akter.
Ulttyq arhıv qyzmetkerlerine jańa Konstıtýsııa jobasy túsindirildi
