foto: Depositphotos/Musiu0
fichajes málimetinshe, qazir Arbeloa úshin negizgi mindet – komandanyń senimin qaıta qalpyna keltirý. Bapker birtindep komanda kóshbasshylary arasyndaǵy bedelinen aıyrylyp barady, al naqty oıyn stıliniń bolmaýy ujym ishinde túsinbeýshilik týǵyzǵan.
Klýb prezıdenti Florentıno Peres syrttaı sabyr saqtaǵanymen, shuǵyl ózgeristerdi talap etip otyr. Degenmen basshylyq aqpan aıynda úshinshi ret bas bapkerdi aýystyrýǵa múddeli emes. Bul Arbeloaǵa jaǵdaıdy túzetýge múmkindik berilgenin kórsetedi, alaıda bul senim shekteýli merzimge ǵana berilgen.
Ispanııa chempıonatynda madrıdtik klýbtyń maýsym barysyn ózgertip, kóshbasshylardan qalyp qoıǵan upaı aıyrmasyn qysqartýǵa áli de múmkindigi bar. Derekkózder qazirgi tańda kıim aýystyratyn bólmede senimdilik, qatań kóshbasshylyq jáne naqty basqarý júıesi jetispeıtinin atap ótedi.
Chempıondar lıgasy: «Real Madrıd» portýgalııalyq «Benfıkadan» basym tústi
Eger komanda daǵdarysqa jedel jaýap bermese, Arbeloanyń qyzmeti eleýli qaýipke ushyraýy múmkin.
