Almaty qalasy polısııa departamentinde iri jetkizý qyzmetteri agregatorlarynyń ókilderi, prokýratýra, qalalyq qyzmetter men jurtshylyq ókilderiniń qatysýymen keńeıtilgen keńes ótti. Jıynda turǵyndardyń qaýipsizdigin arttyrý, zańnama talaptarynyń saqtalýyn qamtamasyz etý jáne kýrerlik qyzmet salasyndaǵy bıznestiń jaýapkershiligin kúsheıtý máseleleri talqylandy.
Almaty qalasy polısııa departamentiniń bastyǵy Aıdyn Kabdýldınov jetkizý naryǵynyń qarqyndy damyp kele jatqanyn atap ótip, sonymen qatar azamattardyń qaýipsizdigi árdaıym basym baǵyt bolýy tıis ekenin aıtty.
«Árbir kýrer turǵyn úılerge kirip, azamattardyń jeke derekteri men olardyń turmys-tirshiligine qatysty málimetterge janama túrde qol jetkizedi. Sondyqtan biz kýrerlerdi jumys prosesiniń barlyq kezeńinde bıometrııalyq sáıkestendirýdi engizýdi, akkaýnttardy úshinshi tulǵalarǵa berýge qatań tyıym salýdy, sheteldik jumys kúshin tartý máselesin retteýdi jáne jol qozǵalysy qaǵıdalarynyń saqtalýyn turaqty baqylaýda ustaýdy talap etemiz», dedi megapolıs basshysy.
О́z kezeginde Almaty qalasy prokýratýrasynyń ókili jetkizý naryǵyna qatysýshylardyń barlyǵy zań talaptaryn múltiksiz oryndaýy tıis ekenin atap ótti. Ol agregator kompanııalardyń qyzmetiniń zańdylyǵyn qamtamasyz etý, memlekettik organdarmen tıimdi aqparat almasý tetikterin jolǵa qoıý jáne tartylǵan qyzmetkerlerdiń quqyqtyq mártebesin tekserý máselelerine nazar aýdardy. Prokýratýra ókili memleket pen bıznestiń birlesken is-qımyly azamattardyń quqyqtary men zańdy múddelerin qorǵaýdyń basty kepili ekenin jetkizdi.
Keńes barysynda platformalardyń ishki reglamentterin qoldanystaǵy zańnamaǵa sáıkestendirý, kýrerlerge qatysty baqylaýdy kúsheıtý, qaýipsizdikke nuqsan keltirýi múmkin shamadan tys jedel jetkizýdi yntalandyrý tetikterin qaıta qaraý jáne barlyq qyzmetkerlerdiń zańdy mártebesin qamtamasyz etý qajettigi aıtyldy.
Jıyndy qorytyndylaǵan Aıdyn Kabdýldınov jetkizý servısteriniń qaýipsiz ári zań aıasynda jumys isteýi – bıznestiń joǵary áleýmettik jaýapkershilik aımaǵy ekenine taǵy da toqtaldy.
Almatyda kýrer men tapsyrys berýshi ákimshilik jaýapqa tartyldy
«Eger júıeli ózgerister engizilmese, polısııa departamenti normatıvtik retteýdi kúsheıtý jáne agregatorlardyń jaýapkershiligin arttyrý boıynsha qosymsha sharalar qabyldaýǵa bastamashylyq etedi. Almaty – elimizdiń eń iri megapolısi. Sondyqtan zamanaýı servısterdiń qaýipsiz qyzmetin qamtamasyz etý – ortaq mindet. Sıfrlyq ekonomıkanyń damýy azamattardy qorǵaý tetikteriniń kúsheıýimen qatar júrýi tıis», dep túıindedi ol.
Alaıaqtardyń aılasy ózgerdi: Endi aqshany «kýrer» bolyp alyp ketedi
