Sonyń biri – Kúlásh Baıseıitova atyndaǵy kameralyq zal sahnasynda ótken «О́ner tarlandary» toptamasy aıasyndaǵy alǵashqy konsert. «Uly dala daýysy» dep atalǵan mýzykalyq keshte opera trýppasynyń solısteri men shaqyrylǵan ártister Ermek Serkebaevtyń operalyq, kameralyq, sonymen qatar halyq ánderi repertýarynan týyndylar tartý etti. Fortepıano partııasyn oryndaǵan teatrdyń mýzykalyq keńesshisi, Qazaqstannyń eńbek sińirgen qaıratkeri Raýshan Beskempirova barıtonnyń qazaq mýzyka mádenıetindegi ornyna toqtaldy:
– Ermek Bekmuhameduly – qazaq mýzyka mádenıetiniń asa kórnekti ókilderiniń biri, ulttyq ónerdiń damýyna ólsheýsiz úles qosqan tulǵa. Eń aldymen, Ermek Serkebaev qazaqtyń kásibı vokaldyq ónerin álemdik deńgeıge kótergen ánshi retinde baǵalanady. Ol – opera men kameralyq vokal janrynda erekshe sheberligimen tanylǵan lırıkalyq barıton daýys ıesi. Ásirese ánshiniń oryndaýynda qazaqtyń halyq ánderi men otandyq kompozıtorlardyń shyǵarmalary tereń mazmunǵa, bıik kórkemdik deńgeıge ıe boldy. Ańyzǵa aınalǵan tulǵanyń 100 jyldyǵyna teatrymyzda tutas konsertter leginiń arnalý sebebi – biz óner ıesiniń barlyq qyryn ashqymyz keledi, – dep atap ótti. Sondaı-aq ol sonaý 90-jyldary Ermek Serkebaev Kókshetaýǵa gastrolmen barǵan kezinde óner ıesiniń shyǵarmashylyq konsertin fortepıanoda súıemeldegen sátin jyly eske aldy:
– Ol kisi shyrqaǵan klassıkalyq týyndylardy súıemeldedim, al halyq áni «Iаpýraıdy» oryndaǵanda fotepıanoda Ermek aǵanyń ózi oınady. Sol kezde ánshiniń aspapty qalaı sheber meńgergenine hám sýyrypsalmalyq darynyna aıryqsha tánti boldym. Konservatorııany endi ǵana bitirip kelgen men úshin bul tańǵalarlyq jaıt edi. Ataqty Ermek Serkebaevpen bir konsertte óner kórsetip, ańyz tulǵanyń shyǵarmashylyǵyna óz úlesimdi qosý zor maqtanysh, – dedi mýzykant.
Qazaq opera óneriniń damýyna ólsheýsiz úles qosqan Ermek Serkebaev ulttyq repertýardyń qalyptasýyna da zor yqpal etti. О́ner ıesiniń sahna mádenıeti men akterlik sheberligi keıingi býyn ánshilerge de ónege boldy. Sol izbasarlardyń biri – Qazaqstannyń halyq ártisi, Memlekettik syılyqtyń laýreaty Shahımardan Ábilov.
– Qazaq opera óneri men úshin Ermek Serkebaev esimimen egiz órilip jatyr desem, qatelespeımin. Sebebi ol kisi ulttyq vokal mektebiniń ásem úni men tereń bolmysyn álemdik sahnaǵa tanytyp, KSRO men Eýropa teatrlarynda óner kórsetip, qazaq óneriniń abyroıyn asqaqtatty. Sol kezeńdegi talaı jas ánshige boı túzer tamasha úlgi bola bildi. 1981 jyly Qurmanǵazy atyndaǵy konservatorııada birge qyzmet atqaryp, maǵan da ánshiniń taǵylymdy áńgimelerin tyńdaý baqyty buıyrdy. Al 1991 jyly táýelsizdik jarııalanǵan sáttegi: «Biz egemen el boldyq!» degen tolqynysty sózi áli kúnge deıin jadymda saqtaýly. Qazaqtyń halyq ánderin álemge tanytý – Ermek aǵanyń asyl armany edi. Bul kesh – uly daýysqa taǵzym ǵana emes, ulttyq ónerdiń bıik rýhyna jasalǵan qurmet, – dep ánshi aǵa týraly saǵynysh pen qurmetke toly esteligin aǵynan aqtaryla áńgimeledi.
Konsertte «Eki jıren», «Shápıbaı-aý», «Qyzyl bıdaı», «Tileý-Qabaq», «Alqońyr», «Iаpýraı», «Bir bıdaı-arpa» syndy halyq ánderi shyrqaldy. Sonymen qatar Birjan saldyń «Býryltaı», Aqan seriniń «Syrymbet», Jaıaý Musanyń «Sursha qyz», Abaıdyń «Aıttym sálem, Qalamqas» ánderi kesh kórkin qyzdyrdy.
Shaqyrylǵan ártistermen birge sahnaǵa «Astana Opera» solısteri – Qazaqstannyń eńbek sińirgen qaıratkerleri Aıgúl Nııazova, Talǵat Musabaev, Jan Tápın, Qazaqstannyń eńbek sińirgen ártisi Jannat Baqtaı, sondaı-aq Saıan Isın bastaǵan ózge de ónerpazdar shyqty. Taǵylymdy keshte kórermen tek mýzykalyq týyndylardy tyńdap qana qoımaı, Ermek Serkebaevtyń ómir joly men shyǵarmashylyq murasy týraly mazmundy áńgimelerge de qanyqty.
Aıta keterligi, IýNESKO 2026 jylǵa arnalǵan ataýly datalar kúntizbesine Ermek Serkebaevtyń 100 jyldyq mereıtoıyn engizdi. Osyǵan oraı «Astana Opera» mereıli data qarsańynda konsertter sıklin bastaǵan elordadaǵy alǵashqy teatrlardyń biri boldy.
