Sheberlik sabaǵynda qonaq ustaz ıspan horeografııalyq mektebiniń ózindik stılin, mýzykalyq tabıǵaty men qozǵalys plastıkasynyń erekshelikterin keńinen túsindirdi. Árbir qımyldyń minezi, qol men dene ıirimderiniń naqyshy, sahnalyq obraz jasaýdyń tásilderi tájirıbe júzinde kórsetildi. Stýdentter tek qozǵalysty qaıtalap qana qoımaı, ıspan bıiniń ishki emosııalyq qýatyn sezinýge tyrysty.
Qoıylymnyń mýzykalyq negizi retinde Morıs Ravel shyǵarmalary tańdaldy. Atap aıtqanda, kompozıtordyń áıgili «Boléro» týyndysy men «El sombrero de tres picos» baletindegi «Las jotas» nómiri qoldanyldy. Mýzykalyq materıal ártúrli jas erekshelikterine saı beıimdelip, ár toptyń múmkindigine qaraı sahnalyq kompozısııalar jasaldy. Soǵan qaramastan, ıspan horeografııalyq mektebiniń túpnusqalyq sıpaty, kórkemdik máneri men sahnalyq qýaty tolyq saqtaldy.
Sheberlik saǵaty Akademııanyń halyqaralyq shyǵarmashylyq baılanystaryn nyǵaıtý jolyndaǵy mańyzdy qadamdardyń biri boldy. Mundaı tájirıbe stýdentterdiń kásibı sheberligin shyńdap qana qoımaı, olardyń kórkemdik kókjıegin keńeıtýge, ulttyq horeografııa salasyndaǵy bilimin tereńdetýge tyń serpin berdi. Ispan bı óneriniń temperamenti men qazaq jastarynyń talpynysy toǵysqan bul kezdesý shyǵarmashylyq sabaqtastyqtyń jarqyn kórinisine aınaldy.
Áýezov teatrynyń júz jyldyq tarıhynan syr shertetin qundy derekter jarııalandy
