Temir jol salasynyń byltyrǵy qorytyndysyna sáıkes, Semeı fılıalyndaǵy júk aınalymy ósken. Tıeý kólemi kózdelgen 16 070,0 myń tonna mejeden asty. Mundaı serpin oblys kóleminde jańadan ashylǵan óndiris oryndarynyń esebinen qamtamasyz etilgen. Atap aıtqanda, burshaqty dándi daqyldar men ósimdik maıyn tereń óńdeıtin «Agrolider KAZ» JShS, «Qazaq-Astyq Group» JShS sııaqty kásiporyndar júk tasymaly úshin tuıyq jelilerin jandandyrdy. Bul óndiris oshaqtaryna klastan tys Semeı stansııasy qyzmet kórsetedi. Tıelgen ónimder Shyǵys Eýropa elderine, Qytaıǵa jáne Orta Azııa memleketterine jóneltiledi.
Bıyl «Eurasia Agro Semey» JShS bazasyndaǵy iri et óńdeý zaýyty iske qosylǵan jaǵdaıda, toraptyq Jańa-Semeı stansııasy arqyly júk tıeý kólemi taǵy da ulǵaıady degen boljam bar. Jalpy, bólimshedegi Semeı, Jańa-Semeı, Shar, Belaǵash, Aıagóz stansalarynan astyq, jarma, ósimdik maıy, túrli dándi daqyldar men ózge de azyq-túlik ónimderi tıeledi. О́tken jyly bul baǵyttaǵy kórsetkish aldyńǵy jylmen salystyrǵanda 252,3 myń tonnaǵa artty. О́ndiris qarqynynyń kúsheıýine baılanysty toraptyq stansalarda poıyz qurastyrýshylar men manevrlik teplovozdarǵa degen qajettilik te aıqyn sezilgen.
Qarý-jaraq pen valıýta: Shekarada zańsyz júk tasymalynyń joly kesildi
Semeı fılıalyndaǵy stansalar jumysyn úılestiretin logıstıka jáne tasymaldy uıymdastyrý bóliminiń mamandary óńirdiń ınvestısııalyq tartymdylyǵy artqanyn aıtady. Jańa tehnologııamen jabdyqtalǵan iri óndiristerdiń ashylýy temirjol arqyly tasymal kólemin kóbeıtti. Buǵan deıin konteınerlik poıyzdarmen negizinen shıkizat jóneltilse, qazir daıyn ónim tıeý úlesi artqan. Bul eksport qurylymynyń ózgergenin kórsetedi.
Premer-mınıstr: Áýe júk tasymaly salasyn sıfrlandyrýdy jedeldetý qajet
Qazirgi kezde júk tasymalyn uıymdastyrýda aılyq, toqsandyq jáne jyldyq josparlar aıasynda tıeý men jetkizýdi ońtaılandyrý sharalary kúsheıtilgen. Osylaısha, semeılik temirjolshylardyń aldynda óndiris qarqynyn báseńdetpeı, júk aınalymynyń tıimdiligin arttyrý mindeti tur. Eksporttyq baǵyttaǵy jańa óndirister iske qosylǵan saıyn, óńirdiń kólik-logıstıkalyq áleýeti de keńeıe túspek.
Al Abaı oblysynda salynyp jatqan «Baqty – Aıagóz» temirjol jelisi Shyǵys óńirinen jóneltiletin júk kólemi ulǵaıyp, Qazaqstan – Qytaı baǵyty boıynsha tasymal múmkindigi keńeımek. Jýyrda Abaı oblysy ákimdiginde atalǵan qurylystyń júzege asyrylý barysy talqylandy. Jıynǵa «QTJ» UK» AQ ókilderi, merdiger kompanııa basshylary qatysty. Prezıdent Qasym-Jomart Toqaev júktegen tapsyrma aıasynda Qazaqstan – Qytaı arasyndaǵy úshinshi temirjol jelisiniń qurylysy belgilengen kestege saı júrgizilip jatqany aıtyldy.
Uzyndyǵy 297 shaqyrym bolatyn «Baqty – Aıagóz» jelisi «Semeı – Aqtoǵaı» ýchaskesine shyǵady. Joba aıasynda 11 stansııa, 47 kópir, 23 temirjol jáne 8 avtokólik jol kópiri, 5 jaıaý júrginshi ótkeli, 16 baqylaý qurylymy salynady. Bas merdiger – China Harbour Engineering Company Co. Ltd. Qazirgi tańda qurylysqa 144 tehnıka men 398 adam jumyldyrylǵan, jumystar 42 shaqyrymdyq ýchaskede júrgizilip jatyr.
Sarapshylardyń baǵalaýynsha, jańa jeli kólik-logıstıkalyq ınfraqurylymdy keńeıtip qana qoımaı, oblystyń tranzıttik mártebesin nyǵaıtady. Sonymen qatar joba myńnan astam jańa jumys ornyn qurýǵa múmkindik beredi.
