Jobanyń ıdeıasy qarapaıym. Jyl saıyn bir jazýshy jańa roman jazady, alaıda ol shyǵarma 2114 jylǵa deıin eshqaıda jarııa etilmeıdi. Iаǵnı búgin jazylǵan kitapty tek júz jyldan keıin oqıdy. Qoljazbalar Oslo qalasynyń qoǵamdyq kitaphanasynda arnaıy saqtalady. Bolashaqta osy shyǵarmalardy basyp shyǵarý úshin kitaphana mańyna myń túp qaraǵaı otyrǵyzylǵan.
Ulttyq kitaphana: Ǵylymı keńes qandaı eńbekterge oń baǵa berdi?
Bir ǵasyr ótken soń sol aǵashtardan qaǵaz daıyndalyp, jasyryn saqtalǵan romandar jaryq kóredi dep josparlanǵan. Qyzyǵy, bolashaqta shyǵatyn osy antologııany satyp alý sertıfıkattary qazirdiń ózinde tolyq satylyp ketken.
Jobaǵa álemge áıgili qalamgerler qatysyp úlgergen. Olardyń qatarynda Margaret Etvýd pen Devıd Mıtchell bar. Ár avtor óz shyǵarmasyn bolashaq oqyrmanǵa arnap jazady, biraq ózi ol kitaptyń jaryq kórgenin kórmeıdi. Bul bastama ádebıetti ýaqytpen baılanystyratyn sımvoldyq kópir ispetti. Joba avtorlarynyń aıtýynsha, «Bolashaq kitaphanasy» urpaq sabaqtastyǵyn nyǵaıtýǵa baǵyttalǵan.
