Jıynnyń negizgi maqsaty – referendýmnyń mańyzdylyǵyn túsindirý, Konstıtýsııaǵa engiziletin ózgerister men olardyń qoǵam damýyna áserin talqylaý, sondaı-aq akademııalyq orta men stýdent jastardyń azamattyq ustanymyn qalyptastyrý boldy. Kezdesý ashyq dıalog formatynda uıymdastyrylyp, oǵan ýnıversıtet basshylyǵy, professorlyq-oqytýshylyq quram, kýratorlar jáne stýdentter qatysty.
Basqarma múshesi, áleýmettik-mádenı damý jónindegi prorektor Jetpisbaev Nurjan Arǵynuly referendýmnyń eldiń saıası júıesin jańǵyrtýdaǵy róline toqtalyp, Konstıtýsııaǵa engiziletin ózgeristerdiń ádiletti qoǵam qalyptastyrýdaǵy mańyzyn atap ótti. Sonymen qatar jastardyń qoǵamdyq-saıası prosesterge belsendi qatysýynyń máni jáne olardyń el bolashaǵyn aıqyndaýdaǵy jaýapkershiligi týraly sóz qozǵaldy.
QazUÝ ǵalymdary jańa Konstıtýsııa jobasyn túsindiretin oqý quralyn jaryqqa shyǵardy
Kezdesý barysynda qatysýshylar referendým taqyryby tóńireginde pikir almasyp, onyń demokratııalyq qundylyqtardy nyǵaıtýdaǵy jáne azamattyq qoǵamdy damytýdaǵy róli talqylandy. Atalǵan konferensııa referendýmnyń máni men mańyzyn keńinen túsindirýge, jastardyń quqyqtyq mádenıetin arttyrýǵa jáne qoǵamdaǵy mańyzdy saıası úderisterge sanaly qatysýyna baǵyttalǵan mańyzdy alań boldy.
Sonymen qatar konferensııa barysynda Sybaılas jemqorlyqqa qarsy komplaens-qyzmetiniń basshysy Vasılıı Ivanovıch Oleınık, referendým boıynsha qalalyq koalısııa múshesi Bektas Baqytuly Juman, áleýmettik máseleler jáne jastar saıasaty departamentiniń mamany Aqerke Nurlybekqyzy, Stýdenttik parlament depýtaty, Bıologııa-geografııa fakýltetiniń 2-kýrs stýdenti Arýjan Nuraıdarqyzy Iles, sondaı-aq tarıh ǵylymdarynyń kandıdaty, Qazaqstan tarıhy jáne Qazaqstan halqy Assambleıasy kafedrasynyń dosenti, memlekettik «Qurmet» ordeniniń ıegeri Salavat Qamshybaıuly Kentbek sóz sóıledi. Olar óz baıandamalarynda referendýmnyń mańyzy, Konstıtýsııalyq reformanyń el damýyna áseri jáne jastardyń belsendi azamattyq ustanymynyń róli týraly mazmundy oılarymen bólisti.
Oraldyń kreatıvti ári belsendi jastary jańa Konstıtýsııa jobasyn qoldady
Jıyn sońynda aldaǵy ýaqytta da jańa Konstıtýsııanyń máni men mańyzyn qarapaıym ári túsinikti tilmen keńinen túsindirý jumystary jalǵasatyny aıtyldy. Sonymen qatar 15 naýryzda elimizde ótetin respýblıkalyq referendýmda Jańa Konstıtýsııany qoldap, daýys berýge shaqyrdy.
