Bul is-shara kóktemgi kezeńdegi sý tasqyny jaǵdaıynyń qolaısyz damýy kezinde tótenshe jaǵdaıdyń aldyn alýǵa jáne olardy joıýǵa baǵyttalǵan barlyq jerlerde shynaıy sý tasqynyna qarsy is-sharalardy ótkizý boıynsha biryńǵaı keshendi mindet formatynda uıymdastyryldy.
Praktıkalyq bólim sheńberinde halyqty qulaqtandyrý, aqparattandyrý, qorǵaý bógenderin nyǵaıtý, sý ótkizý qurylystaryn, kanaldar men aryqtardy tazartý, ınertti materıaldardy daıyndaý, qar shyǵarý, sondaı-aq avarııalyq-qutqarý jáne izdestirý jumystaryn, zardap shekken halyqty evakýasııalaý jáne ornalastyrý jónindegi is-sharalardy pysyqtaý boıynsha is-sharalar ótkizildi.
Oqý-jattyǵý kezeńinde 87 km bóget nyǵaıtyldy, 1715 sý ótkizý qurylystary, 750 km aryqtar men kanaldar tazartyldy, 59 myń tonna ınertti materıaldar daıyndaldy, sondaı-aq 383 myń tekshe metr qar shyǵaryldy.
Halyqtyń áleýmettik osal toptaryna 933 turǵyn úı men 70 áleýmettik nysannyń, onyń ishinde qarttar úıleriniń, ınternattar men sábıler úıleriniń aýla aýmaqtaryn qardan tazalaýǵa kómek kórsetildi.
О́ńirlerde TJ aldyn alý jáne olardy joıý jónindegi komıssııalardyń, sý tasqynyna qarsy jáne evakýasııalyq komıssııalardyń, azamattyq qorǵaý qyzmetteri men quralymdarynyń jedel shtabtarynyń jumysy uıymdastyryldy, olardyń nátıjeleri boıynsha kóktemgi kezeńnen qaýipsiz ótý jóninde tıisti sheshimder qabyldandy.
Aýmaqtyń qaýipsizdik pasporttaryn, TJ joıý jónindegi is-qımyl josparlaryn, azamattyq qorǵaýdyń memlekettik júıesi qyzmetteriniń ózara is-qımyly jónindegi kartografııalyq materıaldardy naqtylaý jáne túzetý júrgizildi, tıisti ózgerister engizildi.
«Kóktem-2026»: Shymkentte sý tasqynynyń aldyn alý sharalary kúsheıtildi
Halyqty qulaqtandyrý jáne aqparattandyrý boıynsha avarııalyq-qutqarý jumystaryn, evakýasııalaýdy, ınjenerlik jumystardy júrgizý boıynsha praktıkalyq is-qımyldardy pysyqtaý maqsatynda oqý-jattyǵý sheńberinde barlyq múddeli qyzmetter men uıymdardy tarta otyryp, taktıkalyq-arnaıy oqý-jattyǵýlar ótkizildi, oǵan 8,5 myńnan astam adam men 3 myńǵa jýyq birlik tehnıkany jumyldyryldy.
