- Reıtıngte jetinshi orynda turǵan ol 48 úmitker arasynan birqatar grossmeısterdi jolynan yǵystyryp, 9 múmkindikten 6½ upaı jıdy. Ázerbaıjandyq Výgar Rasýlov pen majarstandyq Sanan Sıýgırov ta dál sondaı nátıjege qol jetkizdi. Degenmen Álisher qosymsha kórsetkishteriniń arqasynda basty básekelesteriniń aldyn orady. Sóıtip, jerlesimiz bıyl ekinshi ret dúbirli dodada daralananyp otyr. Ol osydan eki apta buryn ǵana Úndistannyń Chennanynda uıymdastyrylǵan «First Chola Chess International GM Norm Round Robin Tournament 2026» týrnırinde top jarǵan edi.
- Sofııada ótip jatqan Strandja kýboginiń tórtinshi jarys kúni elimizdiń 19 bylǵary qolǵap sheberi judyryqtasty. Elına Bazarova (54 kg) Aıshen Tashqynnan (Túrkııa), Ánel Saqysh (54 kg) Ana Lınaresten (Brazılııa), Farýh Toqtasynov (70 kg) Baıramdýrdy Nurmuhammedovten (Túrikmenstan), Muhammedsabyr Bazarbaıuly (70 kg) Djon Makkonnelden (Irlandııa), Ertýǵan Zeınýllınov (65 kg) Markýs Lıýterden (AQSh), Laýra Esenkeldi (65 kg) Andra Krınýta Sebeden (Rýmynııa), Valentına Halzova (75 kg) Amalııa Nıtadan (Rýmynııa), Valerııa Aksenova (+80 kg) Sobırahon Shahobıddınovadan (О́zbekstan), Dına Islambekova (80 kg) Havvanýr Ketýdadan (Túrkııa) basym tústi. Áıgerim Sáttibaeva (48 kg) Anna Ohotaǵa (Ýkraına), Ánel Qudaıbergen (48 kg) Sabına Boboqulovaǵa (О́zbekstan), Jaına Shekerbekova (52 kg) Ioselın Pereske (AQSh), Ilıa Kalının (65 kg) Iýrı Falkaoǵa (Brazılııa), Uljan Sársenbek (57 kg) Alıssa Mendosaǵa (AQSh), Rımma Volosenko (60 kg) Iomna Aııadqa (Mysyr), Vıktorııa Grafeeva (60 kg) Rebeka Santos de Lımaǵa (Brazılııa), Mádına Nurshaeva (70 kg) Shantel Rıdke (Anglııa), Baqyt Seıdish (70 kg) Vıvan Pereıra dos Santosqa (Brazılııa) ese jiberdi.
- Taıaýda Germanııanyń Insell qalasyndaǵy Álem kýboginde teńdessiz ónerlerimen tórtkúl dúnıe jankúıerlerin tamsandyryp, 13 júlde alǵan elimizdiń konkıshileri endi jastar arasyndaǵy álem chempıonatyna qatysýǵa qulshynyp otyr. Komanda sapynda Krıstına men Amına Shýmekovalar, Anastasııa Belovodovadan bólek, Aızada Rymbek pen Varvara Glýhova bar. Uldar básekesinde Mıhaıl Matrıýhın, Denıs Mezensev, Rýslan Janádilov, Mıhaıl Brovko, Vadım Chebardakov synǵa túsedi. Jarys 27 aqpan – 2 naýryz aralyǵynda dál sol Insellde ótedi.
- Begaıym Qyrǵyzbaeva fýtboldan elimizdiń áıelder quramasynyń bas bapkeri bolyp taǵaıyndaldy. Kezinde ol elimizdiń eń myqty oıynshylarynyń biri boldy. Ishki chempıonatta 11 ret top jaryp, el kýbogin 11 márte oljalady. Ulttyq komanda sapynda 85 ret jasyl alańǵa shyǵyp, rekordtyq kórsetkish ornatty. 17 ret qarsylastar qaqpasyn dál kózdedi. Bapkerlik kásippen Begaıym 2022 jyldan beri aınalysa bastady. Kókshetaýdyń «Oqjetpesi» men Semeıdiń «Elimaıyn» jattyqtyrdy, elimizdiń quramasy bas bapkeriniń kómekshisi boldy.
- Fýtboldan bıylǵy el birinshiligi 7 naýryzda bastalyp, 1 qarashada aıaqtalady. Birinshi týr oıyndary myna komandalar arasynda ótedi: «Oqjetpes» – «Elimaı», «Ordabasy» – «Ertis», «Altaı» – «Qaırat», «Aqtóbe» – «Tobyl», «Qyzyljar» – «Kaspıı», «Atyraý» – «Ulytaý», «Qaısar» – «Jeńis», «Astana» – «Jetisý».
