Foto: abaidan.kz
Jas ónertapqysh ıdeıany tehnologııa pániniń muǵalimimen birge talqylap, sómkeniń qyzmetinen bastap syrtqy kelbetine deıin muqııat pysyqtaǵan.
Oqýshynyń aıtýynsha, ol erekshe dúnıe tigýdi maqsat etken. Otbasynda qolónerge jaqyn jandar kóp bolǵandyqtan, bul sala oǵan tańsyq emes. M. Tursyn muǵalimimen aqyldasa kele, balalardyń qaýipsizdigine mán berýdi jón kórgen. Iаǵnı, jobada qaýipsizdikke basymdyq berilgen.
Nátıjesinde smart-sómkege:
– GPS-treker,
– kiriktirilgen powerbank,
– jaryq shaǵylystyratyn elementter ornatylǵan.
Sómke dızaınyna qazaqy oıý-órnek engizilgen. Osylaısha, joba ulttyq naqysh pen zamanaýı tehnologııany úılestirgen.
Joba jetekshisi Ásel Qońyrbaeva sómkeniń ár bólshegi muqııat tańdalǵanyn tilge tıek etti. Onyń aıtýynsha, keıde balalar úıge kesh qaıtady – sondyqtan jobaǵa jaryq shaǵylystyratyn elementter qosylǵan. Al GPS-treker arqyly ata-ana balasynyń qaı jerde ekenin bile alady.
Jobaǵa «Ayagoz Brand Smart» ataýy berilgen. Oqýshy óz týyndysyn túrli deńgeıdegi baıqaýlarǵa usynyp, júldeli oryndarǵa ıe bolǵan. Qazirdiń ózinde úsh smart-sómke tigilgen.
Synyptastary da jańa ónimge qyzyǵýshylyq tanytyp otyr. Olardyń aıtýynsha, ulttyq stıldegi ári telefon qýattaýǵa múmkindik beretin sómkelerge suranys joǵary bolmaq.
Malıka endi óz óniminiń keńinen tanylyp, dúken sórelerine qoıylýyn armandaıdy. Bul joba – oqýshy shyǵarmashylyǵyn qoldaýdyń jáne ulttyq qundylyqtardy dáripteýdiń naqty úlgisi.
Jas ónertapqyshtardyń áleýeti: Ideıalar nelikten óndiriske jetpeı qalady?
