Foto: Ashyq derekkóz
Mınıstr óziniń málimdemesinde beıbit kúnde bilim alyp, bolashaqqa nyq qadam basýy tıis órimdeı qyzdardyń ajaly – búkil adamzat úshin orny tolmas qasiret ekenin atap ótti.
«Bala tárbıesimen aınalysatyn adam retinde balalar eshqashan qandaı da bir qaqtyǵystyń, janjaldyń nemese saıası teketirestiń qurbany bolmaýy tıis dep sanaımyn. Olardyń qaýipsizdigi men amandyǵy – halyqaralyq qaýymdastyq úshin de, ár memleket úshin de eń basty qundylyqtardyń biri», dedi J. Súleımenova.
Sonymen qatar mınıstr Memleket basshysy Qasym-Jomart Toqaevtyń halyqaralyq máselelerdi árdaıym beıbit, dıplomatııalyq jolmen sheshý qajettigi týraly dáıekti ustanymyn erekshe atap ótti.
«Bul – adam ómirin, ásirese balalardyń bolashaǵyn qorǵaýǵa baǵyttalǵan salmaqty ári dáıekti ustanym. Men bul kózqarasty tolyq qoldaımyn. Qaza bolǵan ırandyq balalardyń ata-analary men jaqyndaryna kóńil aıtamyn», dedi Oqý-aǵartý mınıstri.
