Qarashyǵanaq operatoryna 2 mlrd teńge kóleminde aıyppul salyndy

0 ret

kórsetildi

1 mın

oqý úshin

Batys Qazaqstan oblysyndaǵy «Qarashyǵanaq Petrolıým Opereıtıng B.V.» kompanııasynyń qazaqstandyq fılıaly qorshaǵan ortany lastaǵany úshin 2 mlrd teńge kóleminde aıyppul tóleýge mindetteldi. Bul týraly Ekologııa jáne tabıǵı resýrstar mınıstrliginiń Ekologııalyq retteý jáne baqylaý komıteti habarlady, dep jazady Egemen.kz.

Baıan SÚLEIMENQYZY

Qarashyǵanaq operatoryna 2 mlrd teńge kóleminde aıyppul salyndy

Foto: kmg.kz

Oblystyq ekologııa departamenti jospardan tys tekserý júrgizip, kompanııa tarapynan ruqsat etilgen mólsherden asyp ketken emıssııalar faktisin anyqtaǵan. 2024 jylǵy monıtorıng nátıjeleri boıynsha kásiporyn atmosferaǵa zııandy zattardy shamadan tys shyǵaryp, aǵyndy sýlardy belgilengen normatıvten artyq tókkeni belgili boldy.

Qaraǵandydaǵy taý-ken kásipornyna 4 mln teńge aıyppul salyndy

Atalǵan zańbuzýshylyqtarǵa baılanysty kompanııa Ákimshilik quqyq buzýshylyq týraly kodekstiń 328-babyna sáıkes ákimshilik jaýapkershilikke tartyldy. Jalpy salynǵan aıyppul somasy 2,07 mlrd teńgeni qurady. Qazirgi ýaqytta aıyppuldy erikti túrde tóleý merzimi áli aıaqtalǵan joq.

Sonymen qatar quzyrly organ kompanııaǵa normatıvten tys shyǵaryndylar men tógindilerdiń sebepterin jan-jaqty taldap, aldaǵy ýaqytta mundaı zańbuzýshylyqtardyń aldyn alýǵa baǵyttalǵan keshendi is-sharalar josparyn ázirleýdi tapsyrdy.