«Ulttyq qor – balalarǵa» prezıdenttik baǵdarlamasy: 3 jyl ishinde balalarǵa 2,5 mlrd dollardan astam qarajat aýdaryldy

0 ret

kórsetildi

1 mın

oqý úshin

Búgin «Egemen Qazaqstan» gazetinde Premer-mınıstr Oljas Bektenovtiń «Jasampazdyqqa jetelegen jeti jyl» atty kólemdi maqalasy jaryq kórdi. Maqalada Qasym-Jomart Toqaevtyń tutas ult taǵdyryn moınyna alǵan jeti jylda elimizdiń áleýmettik-ekonomıkalyq jáne saıası damý modelinde aýqymdy ári júıeli ózgerister bolǵany qamtylǵan. Úkimet basshysy óskeleń urpaqtyń jaǵdaıyna da erekshe kóńil bólinip jatqanyn atap ótti, dep jazady Egemen.kz.

Shyńǵys MUQAEV

«Ulttyq qor – balalarǵa» prezıdenttik baǵdarlamasy: 3 jyl ishinde balalarǵa 2,5 mlrd dollardan astam qarajat aýdaryldy

Sýretti túsirgen – Erlan OMAR, «EQ»

«Ulttyq qor – balalarǵa» baǵdarlamasy – Prezıdenttiń mańyzdy bastamalarynyń biri», dedi Úkimet basshysy.

Eske sala keteıik, atalǵan baǵdarlama sheńberinde balalardyń shotyna Ulttyq qordyń ınvestısııalyq kirisinen jyl saıyn qarajat aýdarylady, ony ár bala 18 jasqa tolǵannan keıin bilim alýǵa nemese turǵyn úı jaǵdaılaryn jaqsartý maqsatynda paıdalana alady.

«Baǵdarlama júzege asyrylǵan úsh jyl ishinde elimizdegi jeti mln balanyń shotyna 2,5 mlrd dollardan astam qarajat aýdaryldy», dedi Premer-mınıstr.

Ulttyq qor balalarǵa 888 mln dollar aýdardy

Sonymen qatar Oljas Bektenov Memleket basshysynyń tapsyrmasy boıynsha 2026-2030 jyldarǵa arnalǵan «Qazaqstan balalary» biryńǵaı baǵdarlamasy bekitilgenin, ol Qazaqstandaǵy balalardyń quqyqtary men ál-aýqatyn qamtamasyz etý boıynsha barlyq qoldanystaǵy jáne josparlanǵan is-sharalardyń basyn biriktiretinine toqtaldy.

«Atalǵan qujat eldegi árbir balanyń quqyqtary men ál-aýqatyn júıeli túrde qorǵaýdy qamtamasyz etetin ornyqty memlekettik saıasattyń negizi bolyp tabylady», dedi Oljas Bektenov.

Jasampazdyqqa jetelegen jeti jyl