Foto: primeminister.kz
Otyrysqa salalyq qaýymdastyqtardyń, onyń ishinde «Qaz Textile» Industry ulttyq birlestigi men «Jeńil ónerkásip kásiporyndarynyń ózin-ózi retteıtin uıymy» ókilderi, sondaı-aq iri kásiporyn basshylary qatysty. Atap aıtqanda, «AZALA Group», «Qazaq Tigin Fabrikasy», «Qazjeńilónerkásip-Almaty», «Global-Arnaıykıim» jáne «TarazTeriAıaqkıim« kompanııalarynyń basshylary óz usynystaryn ortaǵa saldy.
О́nerkásip jáne qurylys mınıstrliginiń málimetine sáıkes, sońǵy bes jylda sala turaqty ósim kórsetip otyr. 2025 jyldyń qorytyndysy boıynsha jeńil ónerkásip óndirisi 13,2%-ǵa ósip, 260 mlrd teńgege jetti. Bul kórsetkish josparlanǵan 3%-dyq ósimnen áldeqaıda joǵary.
О́ńdeý ónerkásibindegi jeńil ónerkásiptiń úlesi ázirge 0,8% bolǵanymen, salanyń áleýeti joǵary. Onyń qurylymynda:
-
60%-dan astamy toqyma óndirisi,
-
32% – kıim óndirisi,
-
6,5% – aıaq kıim men bylǵary buıymdary.
Sonymen qatar kásiporyndardyń 97%-dan astamy shaǵyn bıznes sýbektileri. Salany damytý maqta men terini tereń óńdeý, sıntetıkalyq talshyq óndirisin keńeıtý jáne qosylǵan quny joǵary ónim úlesin arttyrý arqyly júzege asyrylmaq.
2025 jyly Qazaqstanda 466 myń tonna maqta jınalyp, rekordtyq kórsetkishke jetti. Nátıjesinde:
-
116,1 myń tonna maqta talshyǵy;
-
500 tonna ıirilgen jip;
-
5,2 mln sharshy metr mata;
-
28,6 mln dana daıyn toqyma buıymy óndirildi.
О́nerkásip jáne qurylys vıse-mınıstri Oljas Saparbekovtiń aıtýynsha, 1 tonna maqta talshyǵyn tolyq óńdeý arqyly 1 650 danaǵa deıin daıyn toqyma ónimin shyǵarýǵa bolady. Eger shıkizat tolyq óńdelse, yqtımal qosylǵan qun 1,67 mlrd dollarǵa jetip, 5 myńǵa deıin jańa jumys orny ashylýy múmkin.
Salada orta merzimdi perspektıvaǵa negiz bolatyn birqatar óndiristik jobalar júzege asyrylyp jatyr. Olardyń qatarynda «KazFeltec» oqshaýlaý óndirisin, Talshyqteks toqylǵan polıpropılen geokenep óndirisin jáne Túrkistan toqyma maqta-mata ıirilgen jip óndirisi bar.
Degenmen oń dınamıkaǵa qaramastan, jıynda shıkizat bazasyn damytý, óndiristi jańǵyrtý, retteletin satyp alý tetikterin jetildirý jáne qarjylyq qoldaý sharalaryn keńeıtý qajet ekeni aıtyldy.
Sala kásiporyndary turaqty ári boljamdy ekonomıkalyq jaǵdaı jasalǵan jaǵdaıda óndiristi keńeıtýge jáne jańa jumys oryndaryn ashýǵa daıyn ekenin jetkizdi.
Jeńil ónerkásip salasynda ınvestısııalyq 9 joba iske qosylady
Jıyn qorytyndysynda bıznes jáne salalyq qaýymdastyqtarmen birlesip jeńil ónerkásipti damytýdyń keshendi baǵdarlamasyn ázirleý týraly sheshim qabyldandy. Bul qujatta bazalyq kásiporyndardyń áleýeti, olardyń qazirgi kórsetkishteri men aldaǵy maqsatty ındıkatorlary aıqyndalmaq.
«Jeńil ónerkásip – halyqty jumyspen qamtý turǵysynan asa mańyzdy sala. Ásirese, halqy tyǵyz ornalasqan Túrkistan oblysynda mundaı kásiporyndar kóp. Olardy damytý arqyly jergilikti turǵyndardy turaqty jumys oryndarymen jáne laıyqty jalaqymen qamtamasyz etýge bolady. Sondyqtan О́nerkásip jáne qurylys mınıstrligi bıznes ókilderimen birlesip salany damytý baǵdarlamasyn ázirleýdi bastaýy tıis», dedi Serik Jumanǵarın.
