Jergilikti turǵyndardyń aıtýynsha, kúdik týdyrǵan sómke birneshe kún boıy qoqys arasynda jatqan. Sómkeden qolqany qabatyn ıis shyqqandyqtan, oǵan eshkim jaqyndaı almaǵan.
Sol mańda aýla sypyrýshy bolyp jumys isteıtin Bolat Jumaǵalıev bul sómkeni burynnan kórgenin aıtady.
«Ol sómke osynda keshe ǵana jatty. Qatty sasyq ıis shyqty. Ábden shirip ketken sııaqty. Áıelim ekeýmiz osy mańda turamyz, osynda aýla sypyrýshymyz. Ishine qaraǵym kelgen, biraq ıisten jaqyndaı almadym. Shirip ketken et shyǵar dep oıladym. Keshe munda polısııa kelip, eshkimdi jaqyndatpady. Sóıtsek, sómkeniń ishinde adamnyń máıiti bolyp shyqty», dedi ol.
Sómkeniń qoqys jáshikteriniń janynda qansha ýaqyt jatqanyn naqty eshkim aıta almaıdy.
Aqtóbe oblystyq polısııa departamenti bul derekti rastady. Quqyq qorǵaý organdarynyń málimetinshe, sómkeniń ishinde 55 jastaǵy er adamnyń máıiti bolǵan.
Vedomstvo ázirge oqıǵaǵa qatysty tolyq aqparat jarııalamady. Polısııa turǵyndardy túrli qaýeset taratpaýǵa shaqyryp otyr.
«Máıittiń tabylýyna baılanysty qylmystyq is qozǵaldy. Qajetti tergeý jáne jedel-izdestirý sharalary júrgizilip jatyr», dep habarlady Aqtóbe oblysy polısııa departamenti.
Qazirgi ýaqytta adamnyń qaza tabý sebepteri men oqıǵanyń mán-jaıy anyqtalyp jatyr.
