Bul týraly marqumnyń ápkesi «AIRAN» arnasyna bergen suhbatynda málimdedi. Týysynyń aıtýynsha, áıeldiń ólimine kúdikti adam qazirdiń ózinde ustalǵan.
Syrtqy ister mınıstrligi bul máselege baılanysty marqumnyń otbasymen jáne Polshadaǵy quzyrly organdarmen turaqty baılanysta ekenin habarlady. Vedomstvo konsýldyq-quqyqtyq máseleler boıynsha, sonyń ishinde máıitti Qazaqstanǵa jetkizý isine qajetti kómek kórsetip jatqanyn málimdedi.
Eske salaıyq, Ekaterına Shılovanyń joǵalǵany týraly aqparat aqpan aıynda Facebook jelisindegi «Varshava zdes» tobynda jarııalanǵan edi. Týystarynyń aıtýynsha, onymen baılanys 18 aqpan kúni saǵat 23:00 shamasynda úzilgen. Sol kezde ol Varshavadan Astanaǵa ushyp kelýi tıis bolǵan, alaıda ol ushaqqa otyrmaǵan.
Jaqyndarynyń aıtýynsha, joǵalar aldynda Ekaterınanyń telefonynan kúmándi habarlama kelgen. Onda ony Germanııaǵa «jaqsy jumysqa» kenetten shaqyrǵany aıtylyp, sol sebepti bıletten bas tartyp, keıin habarlasatyny jazylǵan. Alaıda týystary bul habarlamanyń mátini Ekaterınanyń jazý stıline uqsamaıtynyn aıtyp, ony basqa bireý jazǵan bolýy múmkin dep kúmándanǵan.
Aqtóbede qoqys alańdarynyń birinen er adamnyń máıiti tabyldy
Osy habarlamadan keıin onyń telefony óship qalǵan. Keıinnen áıeldiń máıiti tabylyp, is boıynsha tergeý bastaldy. Qazir oqıǵanyń barlyq mán-jaıy anyqtalyp jatyr.
