Foto: gov.kz
Qoǵamdyq keńistikterdi abattandyrý, aǵash otyrǵyzý jáne aýmaqtardyń sanıtarlyq jaǵdaıyn jaqsartý jónindegi is-sharalar halyqtyń belsendi qatysýymen elimizdiń barlyq óńirinde ótkizildi.
Jumys ekologııalyq sana men jaýapty minez-qulyqty qalyptastyrý, ekologııalyq bilim berýdi damytý, sondaı-aq ekologııalyq bilim berý jáne aqparattyq qoldaý syndy baǵyttardy qamtydy.
Bektenov: «Taza Qazaqstan» bastamasy qazaqstandyqtar tarapynan qoldaý tapty
Ortalyq baǵyttardyń biri «Taza Qazaqstan» jalpy respýblıkalyq bastamasyn iske asyrý boldy. Ekologııalyq aksııalar, senbilikter jáne abattandyrý sharalary aıasynda 2025 jyly 844 myń tonna qaldyq jınaldy, 1,1 mln ga aýmaq tazartyldy. Bul is-sharalarǵa barlyǵy 6,9 mln. adam qatysty. Iri ekologııalyq is-sharalardyń qatarynda World Clean-up day (356,2 myń qatysýshy) jáne «Parkter marshy» (218,4 myń qatysýshy) aksııalary bar.
Elimizdiń barlyq óńirinde «Úlgili aýyl» jáne «Taza aýla» (qalalarda) konkýrstary ótkizildi. Jeńimpazdarǵa alǵys hattar, dıplomdar jáne baǵaly syılyqtar tabys etildi. Baıqaý qorytyndysy buqaralyq aqparat quraldarynda jáne áleýmettik jelilerde keńinen jarııalandy.
О́tkiziletin is-sharalar halyqtyń ekologııalyq jaýapkershiligin arttyrýǵa, azamattardy tabıǵat qorǵaý qyzmetine tartýǵa jáne qoǵamda ekologııalyq jaýapty minez-qulyqty qalyptastyrýǵa yqpal etti.
Ekologııalyq quqyq buzýshylyqtardyń aldyn alýǵa jáne ekologııalyq tártipti arttyrýǵa erekshe nazar aýdarylady. Elimizde sıfrlyq monıtorıng quraldary engizilip jatyr.
Ishki ister mınıstrliginiń málimetinshe, 1,6 mln astam beınebaqylaý kamerasy jumys isteıdi, onyń 577 myńy jedel basqarý ortalyqtaryna jáne polısııanyń kezekshi bólimderine qosylǵan.
Ekologııalyq bilim berýdi damytý mańyzdy baǵyt bolyp qala beredi. ProEko ekologııalyq jobalar baıqaýyna 38 744 oqýshy qatysty. «Jasyl balabaqsha» ekologııalyq baǵyttaǵy mektepke deıingi uıymdar jelisin damytý jalǵasýda, onyń sheńberinde 2025 jyly 186 balabaqsha jumys istedi.
Sondaı-aq «Men zertteýshimin» respýblıkalyq konkýrstary, «Tabıǵatty aıala» jas ekologtar forýmy ótkizildi, al bilim berý uıymdarynda «Adal azamat» tárbıe baǵdarlamasy sheńberinde is-sharalar iske asyrylyp jatyr.
El óńirlerinde ekologııalyq aksııalar, eriktilerge arnalǵan oqytý semınarlary men forýmdar ótkizildi.
Azamattarǵa abattandyrý máseleleri men ekologııalyq buzýshylyqtar týraly habarlaýǵa múmkindik beretin @TazaQazBot telegram-chat-boty arqyly ótinim berý servısi jumysyn jalǵastyryp jatyr. 2025 jyly servıs arqyly 26 137 ótinish kelip tústi, olardyń kópshiligi aýmaqtardy jınaý, kóshelerdi abattandyrý jáne turmystyq qaldyqtardy shyǵarý máselelerimen baılanysty bolǵan.
Sonymen qatar 2025 jyldyń qyrkúıeginde Astana qalasynda ekologııalyq mádenıetti damytýǵa jáne qaldyqtardy bólek jınaý tájirıbesin ilgeriletýge baǵyttalǵan alǵashqy Eko-hab jumys isteı bastady.
Jalpy, iske asyrylǵan is-sharalar halyqtyń ekologııalyq habardarlyǵyn arttyrýǵa, ekologııalyq volonterlikti damytýǵa jáne azamattardy ekologııalyq máselelerdi sheshýge tartýǵa yqpal etti.
«Taza Qazaqstan» tujyrymdamasyn iske asyrý jónindegi jumys osy jyly da jalǵasady.
