Bul kórsetkish halyqtyń otandyq óndiristegi dárilik zattarmen naqty qamtamasyz etilý deńgeıin kórsetip, ulttyq farmasevtıkalyq salanyń kezeń-kezeńimen damyp kele jatqanyn aıǵaqtaıdy.
Densaýlyq saqtaý mınıstrliginde atap ótkendeı, naryqty zattaı kórsetkishter arqyly baǵalaý dárilik zattardy tutyný qurylymyn barynsha obektıvti túrde taldaýǵa múmkindik beredi.
Qundyq mánde otandyq preparattardyń úlesi shamamen 15%-dy quraıdy. Bul patenttik qorǵaýda turǵan ınnovasııalyq ımporttyq dárilik zattardyń joǵary qunymen baılanysty.
Naryqty zattaı kórsetkishter arqyly taldaýǵa kóshý halyq úshin dárilik zattardyń qoljetimdilik deńgeıin jáne densaýlyq saqtaý júıesin qamtamasyz etýdegi otandyq óndirýshilerdiń naqty rólin dálirek baǵalaýǵa múmkindik beredi.
Dári-dármek baǵasy qymbattady ma? Mınıstrlik monıtorıng derekterin jarııalady
Dárilik qamtamasyz etý salasyndaǵy júıeli reformalar birqatar mańyzdy nátıjege qol jetkizýge múmkindik berdi. Atap aıtqanda, baǵa belgileý júıesin reformalaý nátıjesinde TMKKK jáne MÁMS sheńberinde dárilik zattardyń shekti baǵasy orta eseppen 15%-ǵa, al kóterme jáne bólshek saýda segmentterinde 26%-ǵa tómendedi. Bul halyq úshin dári-dármekterdiń qoljetimdiligin arttyrdy.
Mańyzdy baǵyttardyń biri satyp alý júıesin ońtaılandyrý boldy. Biryńǵaı dıstrıbıýtor óndirýshi zaýyttarmen tikeleı kelisimsharttar tájirıbesin aıtarlyqtaı keńeıtti, bul deldaldar sanyn qysqartýǵa múmkindik berdi. Sonymen qatar BUU júıesiniń halyqaralyq uıymdary – PROON, IýNISEF jáne STOP-TB arqyly júrgiziletin satyp alýlar kólemi 87%-ǵa artty, al otandyq óndirýshilermen uzaq merzimdi kelisimsharttar kólemi 43%-ǵa ósti.
15 táýlikke deıin: Qazaqstanda dárilerdi tirkeý merzimi qysqartylýy múmkin
Osy sharalardyń nátıjesinde bıýdjet qarajaty aıtarlyqtaı únemdeldi. 2025 jyldyń qorytyndysy boıynsha únemdeý 70,5 mlrd teńgeni, al 2026 jyldyń alǵashqy aılarynda 47 mlrd teńgeni qurady. Bosatylǵan qarajat pasıentterdi dárilik qamtamasyz etýdi keńeıtýge baǵyttalady.
Dárilik qamtamasyz etý júıesin damytýda sıfrlandyrý da mańyzdy ról atqarady. Dárilik zattardy tańbalaý jáne qadaǵalaý júıesin engizý preparattardyń qozǵalysynyń búkil tizbeginiń – óndiris jelisinen bastap pasıentke jetkiziletin árbir qaptamaǵa deıin – ashyqtyǵyn qamtamasyz etedi. Bul baqylaý sapasyn arttyryp, eldegi dárilik qamtamasyz etý júıesine degen senimdi kúsheıtýge yqpal etedi.
