Tehnologııalyq transformasııanyń alǵashqy kezeńi qazirdiń ózinde aıaqtaldy. Vedomstvo jylytý maýsymyna daıyndyqty baqylaýdyń sıfrlyq quraldaryn engizip, elektr stansııalary úshin tarıfterdi bekitý prosesin tolyq avtomattandyrdy. Munaı men suıytylǵan gazdy bólý elektrondyq formatqa kóshirildi. Bul «adamı faktordy» joıyp, naryq qatysýshylary úshin resýrstarǵa ádil qoljetimdilikti qamtamasyz etti.
Sıfrlandyrý jáne jasandy ıntellekt jyly aıasynda mınıstrlik salanyń vırtýaldy arhıtektýrasyn qurýdy iske qosyp jatyr. Negizgi jańashyldyqtardyń biri – elektr energııasyn óndirý jáne munaı-gaz sektoryndaǵy strategııalyq nysandar úshin «sıfrlyq egizder» tehnologııasyn engizý. Zııatkerlik algorıtmderdi paıdalaný jabdyqtardyń tozýyn onlaın rejımde taldaýǵa múmkindik berip, apattardyń saldaryn joıý tájirıbesinen olardy aldyn ala boljaý jáne boldyrmaý júıesine kóshýge jol ashady.
Sonymen qatar kómirsýtekterdiń tolyq sıfrlyq qadaǵalaý júıesi engiziledi. Árbir tonna shıkizat pen otynnyń qozǵalysy munaı uńǵymasynan bastap sońǵy tutynýshynyń janarmaı bagyna deıingi barlyq kezeńderde sıfrlanady. Bul shara jetkizilimderdiń tolyq ashyqtyǵyn qamtamasyz etip, janar-jaǵarmaı naryǵyndaǵy kez kelgen kóleńkeli aınalymdy tehnıkalyq turǵydan múmkin emes etedi.
Digital Qazaqstan Battle ulttyq startap-batlynyń fınalısteri anyqtaldy
Uzaq merzimdi josparlaý úshin OEK-ti damytýdyń ıntegrasııalanǵan master-jospary ázirlenip jatyr. Onyń negizine energııa tutynýdyń ósýin dál boljaýǵa, ekonomıkanyń ártúrli sektorlarynyń jumysyn úılestirýge jáne ınvestısııalyq táýekelderdi baǵalaýǵa múmkindik beretin sıfrlyq matematıkalyq modelder engiziledi.
Bul aýqymdy transformasııa ónerkásiptik qaýipsizdiktiń joǵary deńgeıin qamtamasyz etip, energetıkalyq júıeniń turaqty jumysyn jáne Qazaqstannyń ınvestısııalyq tartymdylyǵyn arttyrýǵa múmkindik beredi.
Digital Qazaqstan: Tehnologııalyq derbestik pen sıfrlyq órleý joly
