Qaýipsizdik keńesi hatshysynyń tóraǵalyǵymen keńes ótti

ASTANA. 13 mamyr. Prezıdenttiń kómekshisi – Qazaqstan Respýblıkasy Qaýipsizdik keńesiniń hatshysy Nurlan Ermekbaevtyń tóraǵalyǵymen keńes ótti. Bul týraly akorda.kz habarlady. Quqyq qorǵaý organdary qyzmetiniń ashyqtyǵyn, qyzmetkerlerdiń etıka saqtaýy men olardyń azamattar aldyndaǵy jaýapkershiligin qamtamasyz etýge baǵyttalǵan júıeli usynystar ázirleý jónindegi otyrys jumysyna arnaıy jáne quqyq qorǵaý organdarynyń, Prezıdent Ákimshiliginiń qurylymdyq bólimsheleriniń basshylary qatysty. Otyrys barysynda kadrlyq jumystyń jaı-kúıi jáne onyń tıimdiligin arttyrý boıynsha qabyldanyp jatqan sharalar talqylandy. Kadrlardy irikteý jáne ornalastyrý júıesin jetildirýge, olardy kásibı oqytýǵa jáne azamattardyń minez-qulyq etıkasynyń úlgisin ázirleýge erekshe kóńil bólindi. Sonymen qatar, qyzmetkerlerdiń mártebesin kóterý, qyzmetkerlerdiń jáne quqyq qorǵaý organdarynyń jumysyn baǵalaý krıterıılerin ózgertý máseleleri de qaraldy. Keńes qorytyndysy boıynsha memlekettik organdarǵa eń úzdik halyqaralyq tájirıbelerdi jáne óz tájirıbesin eskere otyryp, kadrlyq jumystyń tıimdiligin, qyzmetkerlerdiń minez-qulyq etıkasyn arttyrý jóninde usynystar engizýge tapsyrma berildi. Elaman Qońyr. Derek, sýret: akorda.kz.