Stýdent sergektik tanytty

10 ret

kórsetildi

1 mın

oqý úshin

Tańǵy saǵat 07.00-de Aqtóbe qalasyndaǵy №119 ýchaskede 18 jastaǵy Abzal Boranbaı alǵash ret daýys berdi. Jergilikti ýnıversıtette quqyqtaný mamandyǵy boıynsha bilim alyp jatqan 2 - kýrs stýdenti Abzal el ómirindegi mańyzdy saıası naýqanǵa qatysyp, daýys berý bıýlletenin alǵash qolǵa alǵanda erekshe sezimde bolǵanyn jasyrmady.

Baıan QÝANDYQQYZY

Foto: Gov

Tańmen talasa kelgen qaratory da qaǵilez jigit ózi oqıtyn ýnıversıtettegi ázil-syqaq úıirmesi qoıylymdarynyń ssenarııin jazyp, klıpter túsiredi, fýtbolmen aınalysady. Zań salasyn júrek qalaýymen tańdaǵan stýdent bolashaqta qylmystyq salaǵa mamandanǵysy keledi. «Áke-sheshemniń tuńǵyshymyn. Otbasymyzda menen keıin eki inim bar. Ákem Atyraý oblysyndaǵy Teńiz kenishinde vahtalyq jumysta, anam bastaýysh synyptarǵa sabaq beredi», deıdi jas tańdaýshy.

О́z qurdastaryn saıası naýqanda belsendi bolýǵa shaqyrǵan Abzal Boranbaı qoǵamdy ózgertetin jastar degen senimde. Aıta ketý kerek, jańa Konstıtýsııa jobasy boıynsha ótip jatqan referendýmda Aqtóbe oblysynda 577 053 azamat daýys berý quqyǵyna ıe.

Aqtóbe oblysy