Foto: Depositphotos.com
Eske sala keteıik, bıyl qańtar aıynda Donald Tramp Venesýela munaıyn Kýbaǵa jetkizýge tyıym salǵan bolatyn. Keıinirek AQSh-tyń qysymymen Meksıka da aralǵa munaı eksportyn toqtatty. 13 naýryzda Kýba prezıdenti Mıgel Dıas-Kanel elge munaı jetkizilmeı otyrǵanyna úsh aı bolǵanyn málimdedi.
Onyń aıtýynsha, Kýba bıligi AQSh-pen kelissózder júrgizip, ekijaqty máselelerdi talqylaýǵa tyrysqan. Alaıda naqty nátıjeler týraly aqparat jarııalanǵan joq.
Sońǵy jyldary Kýbada jaryqtyń óshýi jıilep ketken. Resmı bılik muny AQSh engizgen ekonomıkalyq sanksııalarmen baılanystyrsa, sarapshylar eldegi eskirgen energetıkalyq ınfraqurylym men ınvestısııanyń tapshylyǵyn basty sebepterdiń biri retinde ataıdy.
Kýba elektr energııasyn óndirýde negizinen munaıǵa táýeldi. Resmı ókilderdiń aıtýynsha, otyn jetkizilimderiniń is júzinde toqtaýy energetıkalyq daǵdarysty odan ári ýshyqtyrdy. Bul óz kezeginde jaryqtyń jıi óshýine, dári-dármek tapshylyǵyna jáne týrızm aǵynynyń tómendeýine ákelgen.
Sonymen qatar elde janarmaı baǵasy kúrt ósken. Beıresmı naryqta bir kóliktiń bagyn toltyrý quny 300 dollarǵa deıin jetedi.
Al AQSh bıligi bul jaǵdaıǵa qatysty ázirge resmı túsinikteme bergen joq.
Meksıkada atyshýly qylmystyq toptyń jetekshisiniń qazasynan keıin jappaı tártipsizdik bastaldy
