Tehnıkalyq retteý jáne metrologııa komıtetiniń Qaraǵandy oblysy boıynsha departamenti turǵynnyń ótinishi negizinde tekserý júrgizgen. Nátıjesinde qaladaǵy Prıgorodnaıa kóshesinde ornalasqan avtogaz quıý stansııasynda Qazaqstan Respýblıkasynyń ólshem birligin qamtamasyz etý salasyndaǵy zańnama talaptarynyń buzylǵany anyqtaldy.
Úkimet Aqtaý bý-gaz qondyrǵysyn salý jónindegi kelisimge qol qoıýdy maquldady
Atap aıtqanda, suıytylǵan gazdy satý kezinde qoldanylatyn ÝZGS-01 tıpti gaz quıý qondyrǵysy mindetti salystyryp tekserýden ótpeı paıdalanylǵan. Mundaı quraldardy qoldaný ólsheý nátıjeleriniń dáldigine kúmán keltirip, tutynýshylardyń quqyqtarynyń buzylýyna ákelýi múmkin.
Qoldanystaǵy zańnamaǵa sáıkes, memlekettik metrologııalyq baqylaýǵa jatatyn ári tekserýden ótpegen ólsheý quraldaryn paıdalaný zańbuzýshylyq sanalady. Bul úshin Ákimshilik quqyq buzýshylyq týraly kodekstiń 419-baby 1-bóliginiń 2-tarmaǵyna sáıkes jaýapkershilik kózdelgen.
Astanada qutqarýshylar órt kezinde 3 gaz ballonyn syrtqa alyp shyqqan
Tekserý qorytyndysynda kásipkerlik sýbektisi qysqartylǵan ákimshilik is júrgizý tártibimen 670 375 teńge kóleminde aıyppul tóleýge mindetteldi. Sonymen qatar kásiporynǵa anyqtalǵan buzýshylyqtardy joıý jáne gaz taratý kolonkalaryn tıisti tekserýden ótkizý týraly nusqama berildi.
Mamandardyń aıtýynsha, tehnıkalyq retteý jáne metrologııa salasyndaǵy talaptardy saqtaý – tutynýshylardyń quqyǵyn qorǵaýdyń jáne qyzmet kórsetý barysynda ólsheý dáldigin qamtamasyz etýdiń basty kepili.
