Qazaqstan Respýblıkasynda adam quqyqtaryn qorǵaýdy kúsheıtý, otbasy ınstıtýtyn nyǵaıtý jáne memlekettik otbasylyq saıasatty jetildirý maqsatynda QAÝLY ETEMIN:
1. Qazaqstan Respýblıkasy Prezıdentiniń janyndaǵy Otbasy máseleleri jónindegi ýákil ınstıtýty (budan ári – Ýákil) qurylsyn, ol óz qyzmetin Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa quramynda tóraǵanyń orynbasary retinde qoǵamdyq negizde júzege asyrady.
2. Ýákildiń negizgi maqsattary otbasy quqyqtary men múddelerin qorǵaýdy kúsheıtý, otbasy ınstıtýtyn jáne dástúrli otbasylyq qundylyqtardy nyǵaıtý, memlekettik otbasylyq jáne demografııalyq saıasatty jetildirý, otbasylyq-turmystyq zorlyq-zombylyqtyń aldyn alý, sondaı-aq qazaqstandyq otbasylardyń ál-aýqatyna járdemdesý bolyp belgilensin.
3. Qazaqstan Respýblıkasynyń Úkimeti osy Jarlyqtan týyndaıtyn sharalardy qabyldasyn.
4. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
5. Osy Jarlyq qol qoıylǵan kúninen bastap qoldanysqa engiziledi.
Eske sala keteıik, buǵan deıin Memleket basshysy Qasym-Jomart Toqaev 2026 jylǵy áskerge shaqyrý týraly Jarlyqqa qol qoıǵan edi.
