Foto: Ashyq derekkóz
Bastapqyda daýyldyń uzaqtyǵy 10 saǵatqa sozylady dep boljanǵan edi. Alaıda ǵalymdar geomagnıttik tolqýlardyń jalpy kezeńi shamamen alty táýlikke sozylyp, 24 naýryzǵa deıin jalǵasatynyn naqtylady.
«22-nen 24 naýryzǵa deıin koronaldy tesikterdiń áserinen álsiz «qaldyq tolqyndar» baıqalady. Mundaı kúrdeli ári kópfaktorly qubylystyń naqty grafıgin boljaý qıyn. Degenmen, tolqýlardyń negizgi shyńy keshki jáne túngi ýaqytqa sáıkes kelýi yqtımal. Bul óz kezeginde polıar shuǵylasyn baqylaýǵa múmkindik beredi. Onyń áseri 50-55 gradýs endikterge deıin tómendeýi múmkin. Alǵashqy mundaı múmkindik búgin, ıaǵnı 19 naýryzdan 20 naýryzǵa qaraǵan túni kútiledi», dep atap ótti mamandar.
Ǵalymdardyń túsindirýinshe, bul daýyl birneshe faktordyń ushtasýynan týyndap otyr. Onyń basty sebebi – apta basynda Kún betinde baıqalǵan plazmanyń birneshe ret bólinýi. Sonymen qatar Kúnniń Jerge qaraǵan betinde paıda bolǵan koronaldy tesikter de óz áserin tıgizip otyr.
Magnıttik daýyldyń alǵashqy belgileri Kún jeliniń tyǵyzdyǵy men jyldamdyǵynyń artýynan baıqalmaq. Mamandar bul kezeńde adamdarǵa densaýlyǵyna muqııat bolýdy eskertedi.
Eske sala keteıik, 2026 jyldyń basynda jer betinde alǵashqy magnıttik daýyl 2 qańtar kúni shamamen túngi 23:00-de (Máskeý ýaqytymen) baıqalyp, ózine tán erekshelik retinde ǵalamsharlyq sıpat aldy.
