Jyl basyndaǵy málimetke súıensek, kommýnaldyq turǵyn úı qorynan páter alý kezeginde 57 434 adam tirkelgen. Onyń ishinde 31 055 azamat halyqtyń áleýmettik osal toptaryna jatady.
Osy sanattaǵy turǵyndardy baspanamen qamtý maqsatynda oblysta áleýmettik turǵyn úılerdiń qurylysy júrgizilip, sonymen qatar daıyn páterlerdi satyp alý tetigi de keńinen qoldanylyp jatyr. О́tken jyly oblysta jalpy kólemi 768,9 myń sharshy metr turǵyn úı paıdalanýǵa berildi. Onyń ishinde 157,9 myń sharshy metri nemese 20,5 paıyzy bıýdjet qarajat esebinen, al 79,5 paıyzy jeke menshik qarajaty esebinen salynǵan.
Bıýdjet esebinen 18,4 mlrd teńgege 2 190 páterli 46 kópqabatty turǵyn úıdiń qurylysy júrgizildi. Jyl qorytyndysymen 1 050 páterge arnalǵan 20 turǵyn úıdiń qurylysy aıaqtaldy. Jeke qarajat esebinen 1 056 páterli 39 kópqabatty turǵyn úı paıdalanýǵa berildi. Budan bólek, halyqtyń áleýmettik osal toptaryn baspanamen qamtý maqsatynda 21,5 mlrd teńgege 1 425 páter satyp alyndy.
2026 jyly óńirde jalpy 770 myń sharshy metr turǵyn úıdi paıdalanýǵa berý josparlanyp otyr. Jyldyń qańtar-aqpan aılarynda 82,7 myń sharshy metr turǵyn úı qoldanysqa berildi. Kezekte turǵan azamattardy áleýmettik turǵyn úımen qamtamasyz etýge bıýdjetten 20,3 mlrd teńge bólindi. Nátıjesinde 2 035 azamat baspanamen qamtylady. Onyń ishinde 680-i halyqtyń áleýmettik osal toptarynyń ókilderi.
Bıyl 15,4 mlrd teńgege 2 941 páterli 66 kópqabatty turǵyn úıdiń qurylysy júrgizilýde. Jyl qorytyndysymen 1 685 páterge arnalǵan 35 turǵyn úıdiń qurylysyn aıaqtaý josparlanǵan. Sonymen qatar halyqtyń áleýmettik osal toptary úshin jalǵa beriletin 350 turǵyn úıdi satyp alý kózdelip otyr.
