Foto: IIM
Ishki ister mınıstrliginiń málimetine sáıkes, aksııa bastalǵaly beri 86 myńnan astam quqyq buzýshylyq tirkelgen.
«Taza Qazaqstan»: Astanada 83 myńnan astam zańbuzýshylyq tirkeldi
Anyqtalǵan zańsyz áreketterdiń basym bóligi – qoqysty ruqsat etilmegen jerlerge tastaý, aǵyndy sýlardy zańsyz tógý jáne qorshaǵan ortany lastaýǵa qatysty ózge de faktiler.
Aksııa barysynda 485 júk kóligi men 239 assenızator júrgizýshisi ákimshilik jaýapkershilikke tartyldy. Reıdtik is-shara kezinde Astanadaǵy Kúltegin kóshesiniń boıynda ZIL avtokóligi júrgizýshisiniń qalalyq aýmaqta suıyqtyq tógýi tirkeldi. Atalǵan quqyq buzýshylyq boıynsha júrgizýshige Ákimshilik quqyq buzýshylyq týraly kodekstiń 505-baby 3-bólimine sáıkes ákimshilik hattama toltyryldy.
Bektenov: «Taza Qazaqstan» bastamasy qazaqstandyqtar tarapynan qoldaý tapty
Qazirgi ýaqytta Astana qalasy ákimdigi men «109 biryńǵaı anyqtama qyzmeti» birlesken reıdterterdi jalǵastyryp jatyr. Sonymen qatar, quqyq buzýshylyqtardyń aldyn alý maqsatynda turǵyndarmen tabıǵatty qorǵaý zańnamasyn saqtaý qajettiligi týraly túsindirý jumystary turaqty júrgizilip keledi.
«Taza Qazaqstan» aksııasynyń basty maqsaty – eldegi ekologııalyq ahýaldy jaqsartý, qorshaǵan ortanyń lastanýyna jol bermeý jáne azamattardyń tabıǵat tazalyǵyna degen jaýapkershiligin arttyrý.
