Aldaǵy 3 jylda óńirde 48 ınvestısııalyq joba júzege asyrylyp, 10 308 jańa jumys orny ashylady. Bıyl 100 mlrd teńgeniń 21 jobasy iske qosylady. Olardyń qatarynda qýattylyǵy 3 500 tonnalyq qus fabrıkasy, 5 200 tonnalyq taýarly sút fermasy, «Pana» qonaq úıi, gofrleý jáne kartonnyń tegis qabatyna qajetti qaǵaz óndirý zaýyty, jalpy qýattylyǵy 50 MVt bolatyn 2 kún elektr stansasy bar.
Sonymen birge 753 mlrd 300 mln teńge bolatyn 14 iri jobanyń qurylysy mejelenip otyr. О́tken jyly koreıalyq «Ýız Iý» kompanııasynyń turmystyq qatty qaldyqtardy suryptaý kesheni, «Rıksos» qonaq úıiniń qurylysy bastaldy. «Tabıǵı tas Qyzylorda» seriktestigi jylyna 1 mln 100 myń tonna ák óndiretin zaýytyn iske qosady.
«Shalqııa» ken-baıytý fabrıkasy, «Aral soda» seriktestiginiń kalsılengen soda, «Seven Rıvers» kompanııasynyń shyny bótelke, ıspandyq «Roka grýpp» kompanııasynyń jylyna 500 myńǵa deıin sanıtarlyq-tehnıkalyq ónim shyǵaratyn zaýyttarynyń qurylysy bıyl bastalady.
Qyzylorda
