Ekspozısııada Qazaqstan Sýretshiler odaǵy músheleri men elge belgili qylqalam sheberleri, Qazaqstan óner akademııasy ókilderi jáne «Almaly palıtra» shyǵarmashylyq birlestiginiń sýretshilerimen qatar, jańa býyn grafıkterdiń týyndylary toǵysqan.
Grafıka – syrttaı qaraǵanda ustamdy, al ishki ıiriminde asa kúrdeli óner. Qaǵaz betindegi qarapaıym syzyqtar men názik reńkter arqyly sýretshiler ýaqyt pen keńistikti, adam bolmysy men qoǵam tynysyn beıneleıdi. Mundaǵy týyndylar kórermendi únsiz dıalogqa shaqyryp, oı tereńine jeteleıdi.
Iýrgen Boos: Qazaqstan Frankfýrt kitap kórmesine qonaq bolýǵa laıyq
Aıta keterligi, el táýelsizdiginen bergi otyz jyldan astam ýaqytta stanoktyq grafıkaǵa arnalǵan mundaı aýqymdy kórme ekinshi ret uıymdastyrylyp otyr. Bul – ulttyq óner keńistiginde grafıkanyń orny men mańyzyn qaıta baǵamdaýǵa jol ashqan mańyzdy qadam.
Kórmege Almaty, Astana, Qaraǵandy, Shymkent, Taraz syndy segiz óńirden kelgen sýretshiler qatysyp, júzden astam týyndy usynylǵan. Ofort, lıtografııa, lınogravıýra sekildi klassıkalyq ádister men zamanaýı eksperımenttik izdenister qatar órilip, ulttyq bolmys, tarıhı jad, búgingi qoǵamnyń kúrdeli máseleleri kórkem tilde bederlengen.
JI kómegimen jańarǵan mura: Ejelgi petroglıfter kórmege qoıylady
Hashım Kýrbanov, Marlan Nysanbaev, Baltas Ospan, Lıdııa Drozdova, Vıktor Polıkarpov syndy tanymal grafıkter men jas sýretshilerdiń eńbekteri bir keńistikte toǵysyp, kórermenge tutas bir kórkemdik panorama usyndy.
