Qujat aıasynda saladaǵy negizgi uǵymdar aıqyndalady. Atap aıtqanda, «psıholog», «psıhologııalyq qyzmet», «aqparattandyrylǵan kelisim», «psıhologııalyq kómektiń sapasy», «kásibı qupııalylyq» sııaqty túsinikter engiziledi. Aıta keterligi, bul zań medısınalyq qyzmetterge qatysty emes, tek psıhologııalyq kómek kórsetý salasyn qamtıdy.
Balalardyń psıhologııalyq qaýipsizdigi: Qazaqstanda biryńǵaı sıfrly platforma qurylady
«Zań jobasynyń negizgi maqsaty – halyqtyń ómir súrý sapasy men psıhologııalyq jaǵdaıyn jaqsartý. Sondaı-aq zańdylyq, eriktilik, qupııalylyq, kásibı quzyrettilik, ǵylymı negizdilik jáne zııan keltirýge jol bermeý qaǵıdattary belgilengen. Memlekettik retteý máselelerine jeke bólim arnalǵan», delingen habarlamada.
Psıhologııalyq qoldaý ortalyqtaryna byltyr qansha adam júgindi?
Zań jobasy Eńbek jáne halyqty áleýmettik qorǵaý mınıstrliginiń psıhologtardyń biliktiligin taný jáne memlekettik tizilimdi júrgizý jónindegi ókilettikterin aıqyndaıdy. Qujatty talqylaý barysynda depýtattar atalǵan tizilimdi elektrondyq formatta júrgizý tártibin naqtylap, tirkelýge jatatyn psıhologtar sanattaryn belgiledi. Sonymen qatar málimetterdiń ashyqtyǵy jáne olardy ýákiletti organnyń ınternet resýrsynda ornalastyrý kózdelgen.
