О́tinimder 30 sáýirge deıin «astanahub.com» platformasynda qabyldanady. Baǵdarlamaǵa Qazaqstanmen qatar О́zbekstan, Qyrǵyzstan, Tájikstan, Túrikmenstan, Ázerbaıjan, Grýzııa jáne Mońǵolııa elderiniń startap komandalary qatysa alady. Elimiz Ortalyq Azııada «Google for Startups» baǵdarlamasymen birlesip akselerasııa júrgizip otyrǵan alǵashqy ári jalǵyz el. Bıyl «Silkway Accelerator» alǵash ret Almaty qalasynda, «Almaty Hub» bazasynda ótedi. Bul – megapolıstiń eldegi iskerlik jáne IT-ortalyq retindegi róliniń artyp kele jatqanyn kórsetedi.
Keıingi tórt jylda baǵdarlamaǵa 1 470 ótinim túsip, olardyń tek 73-i irikteýden ótken. Akselerasııadan ótken jobalar jalpy kólemi 48 mıllıon dollardan asatyn ınvestısııa tartyp, jıyntyq baǵasy 500 mıllıon dollardan asqan. Qatysýshylar BAÁ, Túrkııa, AQSh jáne basqa da halyqaralyq naryqtarǵa shyǵyp úlgerdi.
Baǵdarlama túlekteriniń qatarynda «Biometric Vision», «zypl.ai», «Arlan Biotech» jáne basqa da tabysty jobalar bar. «Biometric Vision» kompanııasynyń negizin qalaýshy Álibek Narymbaıdyń aıtýynsha, baǵdarlama startaptarǵa durys naryq tańdaýǵa, ónim strategııasyn naqtylaýǵa jáne halyqaralyq deńgeıde ósýge múmkindik beredi.
«Silkway Accelerator» 12 aptaǵa eseptelgen. Baǵdarlamaǵa daıyn ónimi bar jáne ony jańa naryqtarǵa shyǵarýdy kózdeıtin komandalar qatysa alady. Qatysýshylarǵa Almatyda tegin turý, keńse, sondaı-aq 100 myń dollarǵa deıin «Google Cloud» resýrstaryna qoljetimdilik beriledi. Sonymen qatar ár komandaǵa jeke damý menedjeri bekitiledi. Baǵdarlama jetekshileriniń biri Evgenıı Frolov qazirgi tańda basty másele startaptardyń sanynda emes, sapasynda ekenin atap ótti. Onyń pikirinshe, negizgi qıyndyq – ónimdi halyqaralyq naryqqa shyǵaryp, aýqymdy bıznes model qurý. Baǵdarlama sońynda «Demo Day» ótedi. Bul kúni qatysýshylar óz jobalaryn ınvestorlar men venchýrlik qorlarǵa tanystyrady. Eń úzdik jobalar «Astana Hub Ventures» short-lıstine enip, ınvestısııa tartý múmkindigine ıe bolady.
