Foto: Ashyq derekkóz
Bul týraly baıandaǵan Ersaıyn Naǵaspaev atalǵan nátıjege birqatar salanyń serpindi damýy yqpal etkenin jetkizdi. Atap aıtqanda, mashına jasaý, qurylys materıaldaryn óndirý jáne jeńil ónerkásip negizgi draıverlerge aınaldy.
Indýstrııalyq ósimmen qatar qurylys salasynda da oń dınamıka baıqalady. Úsh aıdyń qorytyndysy boıynsha oryndalǵan qurylys jumystarynyń kólemi 1,2 trln teńgege jetip otyr, bul ótken jyldyń osy kezeńimen salystyrǵanda 14,8%-ǵa joǵary. Sonymen birge 3,9 mln sharshy metr turǵyn úı paıdalanýǵa berildi.
«1 toqsannyń qorytyndysy boıynsha óńdeýshi ónerkásiptiń negizgi sektorlarynda jıyntyq kórsetkishi 8,5% bolatyn oń dınamıka baıqalady. О́ndiris kórsetkishteri mashına jasaýda, hımııa ónimderin, qurylys materıaldaryn, rezeńke jáne plastmassa buıymdaryn óndirýde, jeńil ónerkásipte jáne óńdeý ónerkásibiniń basqa da salalarynda ósti. Mashına jasaý salasyndaǵy óndiris kólemi kólik quraldary, aýyl sharýashylyǵy jáne temirjol tehnıkasy óndirisiniń ósýi esebinen 21,9%-ǵa ulǵaıdy», dedi Ersaıyn Naǵaspaev.
Jalpy, óńdeý ónerkásibindegi turaqty ósim ekonomıkany ártaraptandyrýǵa negiz bolyp, eldiń óndiristik áleýetin kúsheıtýge úles qosyp otyr.
I toqsandaǵy ekonomıkalyq ósimdi óńdeý, qurylys, kólik jáne saýda salalary qamtamasyz etti
