Foto: ashyq derekkóz
Al úsh aıdyń qorytyndysy boıynsha otandyq dılerler 44 757 kólik satqan, bul 2025 jyldyń osy kezeńimen salystyrǵanda 4,5 paıyzǵa tómen. Alaıda Qazaqstan avtokólik odaǵynyń prezıdenti Anar Maqashevanyń sózinshe, jyl basynan bergi kórsetkishtiń tómendegenine qaramastan, avtokólik naryǵy aqpannan keıin aıtarlyqtaı turaqtylyq belgilerin kórsetip keledi.
«Mundaı jaǵdaıda avtokólik jetkizilimin retteý qajettiligi týyndaıtyny sózsiz. Sebebi otandyq naryqta úlesterdiń qaıta bólinip jatqanyn baıqaý qıyn emes. Sáıkesinshe keıbir brendterdiń pozısııasy kúsheıip keledi. Osyǵan baılanysty naqty baǵalaý men jyldyq boljamdy ekinshi toqsan qorytyndysy boıynsha jasaýǵa bolady. Sebebi bul kezeń tutynýshylyq turǵyda asa mańyzdy aralyq sanalady», deıdi odaq basshysy.
Birinshi toqsannyń qorytyndysy boıynsha elimizde eń kóp satylǵan brendter qatarynda Hyundai (3192 kólik) kósh bastaǵan. Ekinshi orynǵa Kia (2317), al úshinshi orynda Chevrolet avtokóligi (2142) jaıǵasqan. Naýryz aıynda da osy úsh kólik markasy joǵary satylymdy temir tulparlar qatarynan tabylǵan. Al jyl basynan beri tutynýshylar tarapynan kóp suranys týdyrǵan Changan 1766 kólik satyp, úlken ósimmen tórtinshi orynǵa kóterilgen.
Budan ózge esepti kezeńde satylymy artqan brendter tizbegi tómendegideı jaıǵasqan:
Chery – 1270
Haval – 1227
Jetour – 850
Toyota – 581
JAC – 451
Geely – 428
Eń tanymal 10 model:
Chevrolet Cobalt – 1965
Hyundai Tucson – 1516
Kia Sportage – 841
Changan CS55 Plus – 798
Haval Jolion – 683
Chery Tiggo 7 – 565
Hyundai Elantra – 561
Changan CS35 Max – 513
Hyundai Mufasa – 440
Kia Soluto – 416
Eske sala keteıik, joǵaryda atalǵan modelderdiń barlyǵy Qazaqstan aýmaǵynda qurastyrylady.
Nurbolat AMANBEK
