Jarysty grek-rım kúresi sheberleri bastady. О́kinishke qaraı, birinshi kúni bozkilemde beldesken Nurzat Qabdarqymov (55 kg), Saıfolla Qurman (63 kg), Qaharman Qısymetov (77 kg) kórermen qataryn tolyqtyrdy.
35 jastaǵy Nursultan Tursynov (87 kg) tusaýkeser kezdesýinde Ońtústik Koreıanyń oǵylany Seýnghvan Lıdi esh qınalmaı jyqqanymen, jartylaı fınalda 20 jastaǵy jergilikti jas daryn Asan Janyshevtan oısyraı jeńildi. Qandasymyz qola medal básekesinde túrikmenstandyq Davletmurat Baıramovty utyp, jeńis tuǵyryna kóterildi.
Kelesi kúni taǵy bes salmaq dárejesiniń júldeleri sarapqa salyndy. Solardyń arasynan fınalǵa tek Almatbek Amanbek (72 kg) shyqty. Qytaılyq Donjý Lı men qyrǵyz Amantur Ismaıylovty jolynan yǵystyrǵan qandasymyz sheshýshi básekede jastar arasyndaǵy álem chempıonatynyń fınalısi, Azııa chempıony, ırandyq Mohammad Djavad Rezaımen kúsh synasty. Syn saǵatta Boranbek Qońyratovtyń shákirti ózin jaqsy qyrynan tanytty. Qarsylasy alǵa umtylǵan sátte qarymta shabýylǵa júgingen ol ony jyǵyp aldy da, astynda tyrp etkizbeı ustady. Almatbek – Azııa chempıony!
Jartylaı fınalda jeńilis tapqan Ibragım Magomadov (82 kg) pen Islam Evloev (97 kg) qola medal úshin kúresti. Ibragım asa shıelenisti básekede qytaılyq Rýı Lıýdi eki upaı aıyrmashylyǵymen utsa, Islam ońtústikkoreıalyq Mınhý Lıdi 1 mınýt 27 sekýndta tas-talqanyn shyǵardy. Erbol Kamalıev (60 kg) ırandyq Álı Abdollah Ahmadı Vafadan utylyp, besinshi oryndy qanaǵat tutty.
Al qyzdar arasynda synǵa túsken Jámılá Baqbergenova (72 kg) men Zeınep Baıanova (53 kg) alǵashqy aınalymnan asa almady. Sondaı-aq Shuǵyla О́mirbek (55 kg), Nılýfar Raımova (57 kg), Vıktorııa Hýsaınova (59 kg), Aıjan Súıdýova (65 kg) tusaýkeser kezdesýlerinde jeńilistiń kermek dámin tatty. Maral Táńirbergenova (50 kg) men Elena Shalygına (68 kg) da shý degennen súrindi.
Bishkekte óner kórsetken 10 burymdymyzdyń ekeýi ǵana jartylaı fınalǵa deıin jetti. 76 kg salmaqtaǵy Gúlmaral Erkebaeva Ońtústik Koreıanyń ókili Eýnjý Hvandy qapy qaldyryp, qola medal enshiledi. 62 kg salmaq dárejesinde baq synaǵan Tynys Dúbek úshinshi orynǵa talasta mońǵolııalyq Serenshımed Sekheniń osal tusyn taba almady. Sóıtip, Qyrǵyzstan saparynan áıelder quramasy jalǵyz júldemen oraldy.
Azııa chempıonatyn erkin kúres sheberleri qorytyndylady. Ádı Serikuly (65 kg), Sanjar Dosjanov (70 kg), Mereı Bazarbaev (57 kg), Dáýlet Ergesh (79 kg) jáne Bekzat Úrkimbaı (97 kg), Asyl Aıtaqyn (61 kg), Ernur Nurǵazy (74 kg) júldegerler qatarynan kórine almady. Jastary 30-dyń bel ortasyna taıaǵan saqa sportshylar Bolat Saqaev (86 kg) pen Azamat Dáýletbekov (92 kg) jartylaı fınalǵa deıin erkin jetti. Osy mejege Bolat Mýkýl Dahııadan (Úndistan) 6:12 esebimen, Azamat Mohammadmobın Azımıden (Iran) 0:6 esebimen utyldy. Úshinshi oryn básekesinde Qydyr Saıpýddınov (Bahreın) B.Saqaevqa san soqtyrsa, A.Dáýletbekov Takashı Ishagýrony (Japonııa) esh kúmánsiz utty.
Byltyr 18 jasqa tolǵan shaǵynda ózinen bir-eki jas úlken balýandardy tegisteı utyp, álem chempıony (U20) atanǵan Edige Qasymbek (125 kg) eresekter dýyna bıyl ǵana qatysa bastady. Edige tusaýkeser kezdesýinde Nambardagva Batbaıardan (Mońǵolııa) basym tústi. Kelesi kezeńde Tokıo Olımpıadasynyń qola, Parıj Olımpıadasynyń kúmis júldegeri, álemniń úsh dúrkin chempıony, Azııa oıyndarynyń jeńimpazy, qurlyq chempıony Ámir Hosseın Zaremen (Iran) kúsh synasty. Edige azýly qarsylaspen batyl kúresip, minezdi balýan ekenin baıqatty. Bul básekede Zareniń mereıi ústem bolǵanymen, qazaqtyń ór minezdi ulynyń óneri kópshiliktiń kóńilinen shyqty. Qola medal jolyndaǵy beldesýde Býheeerdýn Býheeerdýndy (Qytaı) utty. Sóıtip, elimizdiń erkin kúres sheberleri sary qurlyqtyń basty dodasyn eki qolamen qorytyndalady.
