Onyń aıtýynsha, lombardtardaǵy qaryz júktemesi bankter men mıkroqarjy uıymdaryndaǵy nesıelerden ózgeshe jumys isteıdi. Munda azamat óz múlkin kepilge qoıyp, sonyń negizinde qaryz alady.
Aqtóbede zerger tutynýshylardyń buıymdaryn lombardqa ótkizip jibergen
«Bul jaǵdaıda adam kepil múlkin usynady, ıaǵnı onyń lombard aldyndaǵy mindettemesi sol kepilmen shekteledi. Eger qaryz ýaqytynda ótelmese nemese tólem jasalmasa, mindetteme toqtatylady. Sondyqtan qaryz júktemesiniń ulǵaıý qaýpi bolmaıdy», dedi agenttik tóraıymy.
Osy erekshelikke baılanysty lombard qyzmetin retteý bankter men mıkroqarjy uıymdaryna qaraǵanda jeńildeý. Sol sebepti agenttik bul salaǵa qatysty talaptardy qatańdatýdy josparlap otyrǵan joq. Degenmen qoldanystaǵy normalar men shekteýlerdiń saqtalýyna tekseris júrgiziledi.
Máselen, qoldanystaǵy talaptarǵa sáıkes, lombardtar qaryz merzimin 90 kúnnen artyq uzartýǵa quqyly emes.
19 mlrd teńgeden astam zańsyz tabys: «Aktıv Lombard» ıesiniń bylyǵy áshkere boldy
Sondaı-aq tutynýshylardyń quqyqtaryn qorǵaý talaptary barlyq lombardtarǵa birdeı qoldanylady. Qaryz alýshylar qajet bolǵan jaǵdaıda óz bereshegin retteý úshin tıisti organdarǵa júginýge quqyly.
Aıta keteıik, 19 naýryzdan bastap lombardtar aldyndaǵy qaryzdar sottan tys bankrottyq rásiminde esepke alynbaıdy.
