Jambyl oblysy mádenıet jáne tilderdi damytý basqarmasynyń qoldaýymen oblystyq kózi kórmeıtin jáne álsiz kóretin azamattar kitaphanasy «Jambyl Jabaev búgin Instagram-da ne týraly jazar edi?» atty rýh pen tehnologııany ushtastyrǵan shyǵarmashylyq baıqaý ótkizdi.
Is-shara Prezıdent Qasym-Jomart Toqaevtyń 2026 jyldy Jasandy ıntellekt jyly dep jarııalaý bastamasymen úndesip, dástúrli mádenı mura men zamanaýı sıfrlyq tehnologııany biriktirýge baǵyttaldy.
Jańa formattaǵy Naýryz merekesi: Robot-kókpar el turǵyndaryn tańǵaldyrdy
Baıqaýdyń ereksheligi – jasandy ıntellekt negizindegi «Temirbek» atty sıfrly júrgizýshiniń qatysýy boldy. Is-shara aıasynda kitap jáne robototehnıka kórmeleri uıymdastyrylyp, Braıl qarpindegi basylymnyń tusaýkeseri uıymdastyryldy. Sondaı-aq dron arqyly áýede aqyn portreti kórsetilip, Jambyl men Qulmambet aıtysynyń jańasha formattaǵy kórinisi sahnalandy. Bul kórinis ǵasyrlar únin búgingi tehnologııamen úılestirgen áserli sátterdiń biri boldy.
Baıqaýǵa óńirdegi jetekshi oqý oryndary men mádenı mekemelerden 30-ǵa jýyq jumys usynyldy.
Robototehnıka – bilim berýdiń ózekti baǵyty: Mańǵystaý jastarynyń ınjenerlik izdenisi
Baıqaý qorytyndysy boıynsha júldeli oryndar tómendegideı anyqtaldy:
I oryn – Jaqsymbetova Gúlsim, «Álem» kásibı bilim berý kolledjiniń kitaphanashysy;
II oryn – Beısen Edige, IT mamandandyrylǵan lıseıiniń oqýshysy;
III oryn – Úrkýmbaeva Aıgerim Jambyl aýdandyq zaǵıp jáne kózi álsiz kóretin azamattar bóliminiń kitaphanashysy.
Sondaı-aq «Úzdik vızýal», «Iýmor», «Ádebı syn», «Oı ushqyrlyǵy» nomınasııalary boıynsha jeńimpazdar marapattalyp, arnaıy syılyqtar tabystaldy. Qalǵan qatysýshylarǵa alǵys hattar berildi.
Nurbolat AMANBEK
