Kollajdy jasaǵan Qonysbaı ShEJIMBAI, «EQ»
Dárigerler naýqasqa oń jaq baltyryndaǵy tistelgen jaralarǵa baılanysty shuǵyl kómek kórsetip, alǵashqy hırýrgııalyq óńdeý júrgizdi. Dárigerlerdiń aıtýynsha, qazirgi tańda áıel men qursaqtaǵy balanyń jaǵdaıy kúsheıtilgen medısınalyq baqylaýda.
«Dárigerlik tekserý barysynda oń jaq baltyrdyń ortańǵy úshten bir bóliginiń artqy betinde uzyndyǵy 5 santımetrge deıin jetetin tistelgen jaralar anyqtalǵan. Profılaktıkalyq maqsatta qutyrýǵa qarsy vaksına, sirespege qarsy sarysý jáne ADS-M ekpesi salyndy», delingen habarlamada.
Medısınalyq mekeme málimetinshe, áıel men qursaqtaǵy balanyń jaǵdaıy turaqty, olar dárigerlerdiń baqylaýyna alynǵan.
Janýarlardy qorǵaý jáne qoǵam qaýipsizdigi: Qańǵybas ıtterdiń shabýylyna qalaı tosqaýyl qoıamyz?
Eske sala keteıik, buǵan deıin de elimizdiń birqatar óńirinde osyndaı oqıǵalar tirkelgen. Saldarynan bir jyldyń ishinde 41 366 adamdy ıt qaýyp, 23 134 adam buralqy ıtterdiń shabýylynan zardap shekken.
Qazirgi tańda Májiliste qańǵybas janýarlarǵa qatysty zań jobasy qaralyp jatyr. Zań jobasyn tanystyrǵan depýtat Edil Jańbyrshın Qazaqstanda buralqy ıtterdi keminde 5 kún ustaýdy usyndy.
Nurbolat AMANBEK
