ASTANA. 14 mamyr. ÝEFA Chempıondar lıgasynyń fınalyna shyqqan ekinshi komanda da belgili boldy. Qarymta kezdesýde óz alańynda «Iýventýsti» qabyldaǵan Madrıdtiń «Realy» 1:1 esebimen teń oınady. Týrınde ótken alǵashqy match alań ıeleriniń paıdasyna 2:1 esebimen aıaqtalǵany belgili. Nátıjesinde jalpy esep boıynsha «Iýventýs» basym túsip, fınalǵa beriler joldamany ıemdendi. Bul týraly egemen.kz habarlady.
Madrıdtegi oıyn asa tartysty ótti. Statıstıkalyq kórsetkishter boıynsha alań ıeleri basym boldy. Tolassyz shabýyldaǵan «Real» 22 ret qaqpaǵa soqqy jasasa, qonaqtar 8 márte Kasılıastyń ıeligin nysanaǵa alǵan. Alaıda, qaqpaǵa týra baǵyttalǵan soqqy jóninen aıtarlyqtaı aıyrmashylyq joq (5:4). Dopqa ıelik etý kórsetkishi boıynsha madrıdtikter sál ǵana basymdyqqa ıe boldy (53% – 47%). Buryshtama doby da «Realdyń» paıdasyna tirkeldi (8:6).
Sonymen, Chempıondar lıgasynyń 2014-2015 jylǵy maýsymynyń fınalyna shyqqan qos komanda belgili. «Iýventýsten» bólek, jartylaı fınalda Mıýnhenniń «Bavarııasyn» aınalyp ótken «Barselona» da chempıondyqtan úmitin úzgen joq. Fınal 6 maýsymda Berlındegi «Olımpıashtadıonda» ótedi.
Elaman Qońyr.
Derek: egemen.kz.
Sýret: championat.com.
«Real» (Madrıd, Ispanııa) – «Iýventýs» (Týrın, Ispanııa) 1:1 (1:0)
Birinshi oıynnyń esebi: 1:2
13 mamyr. Madrıd. «Santıago Bernabeý» stadıony. 85 454 kórermen.
Tóreshiler: Iýnas Erıksson, Matıas Klasenıýs, Danıel Varnmark (úsheýi de Shvesııa).
«Real»: Iker Kasılıas, DanıelKarvahal, Marselo, Serhıo Ramos, Rafael Varan, Tonı Kroos, Hames Rodrıges, Isko, Garet Beıl, Karım Benzema (Haver Ernandes 67), Krıshtıaný Ronaldý.
«Iýventýs»: Djanlýıdjı Býffon, Shtefan Lıhshtaıner, Patrıs Evra, Leonardo Bonýchchı, Djordjo Kellını, Andrea Pırlo (Andrea Barsalı 79), Pol Pogba (Roberto Pereıra 89), Klaýdıo Markızıo, Artýro Vıdal, Karlos Teves, Alvaro Morata (Fernando Lorente 84).
Goldar: Krıshtıaný Ronaldý (penaltı) 23 – Alvaro Morata 57.
Eskertýler: Isko 32, Hames Rodrıges 44 – Karlos Teves 70, Shtefan Lıhshtaıner 76.
