Memleket basshysynyń bul bastamanyń negizgi maqsaty – ekologııalyq sanany qalyptastyrý jáne azamattyq jaýapkershilikti arttyrý ekendigine basa mán berip ótti.
Memleket basshysy О́ńirlik ekologııalyq sammıttiń plenarlyq otyrysynda sóz sóıledi
«Budan bólek, biz «Taza Qazaqstan» jalpyulttyq qozǵalysyna bastamashy boldyq. Halyqtyq sıpat alǵan naýqannyń maqsaty – ekologııalyq sana qalyptastyrý, azamattyq jaýapkershilikti arttyrý. Qozǵalysqa mıllıondaǵan erikti qosyldy. Meniń oıymsha, olar – Qazaqstannyń naǵyz patrıottary. О́ıtkeni dál osylaı eńbek etip, ortaq múddege úles qosý – eliniń keleshegin oılaıtyn azamattardyń ǵana qolynan keletin izgi is. Birikken Ulttar Uıymynyń sheshimimen bıyl Halyqaralyq eriktiler jyly dep jarııalandy. Turaqty damý múddesine saı keletin bul bastamany tolyq qoldaımyz. Elimizdiń jańa Ata zańynda volonterlik qyzmetke aıryqsha mán berilip, olarǵa memleket tarapynan qoldaý kórsetiletini naqty jazylǵan», dedi Prezıdent.
Prezıdent: Jahandyq ekologııalyq modelge kóshý úrdisi ádil sıpatta órbýge tıis
Sondaı-aq Memleket basshysy bıyl Qazaqstanda Sıfrlandyrý jáne jasandy ıntellekt jyly bolyp jarııalanǵanyn, jasandy ıntellekt tehnologııalary ekologııalyq máselelerdi sheshýde mańyzdy ról atqaratynyn aıtty.
«Bıyl – Qazaqstanda Sıfrlandyrý jáne jasandy ıntellekt jyly. Jasandy ıntellekt kómeginsiz ekologııalyq máselelerdi ońtaıly sheshý múmkin emes ekeni anyq. Atalǵan tehnologııa tabıǵı resýrstardy qorǵaý, ekologııalyq basqarýdy jetildirý isinde mol múmkindikke jol ashady. Sondyqtan biz Aımaqtyq sıfrlyq ekojúıe qurý bastamasyn qoldaýǵa ázirmiz», dedi Qasym-Jomart Toqaev.
