Jobanyń negizgi maqsaty – qoldanystaǵy normalardy Eńbek kodeksine sáıkestendirý. Osyǵan baılanysty keıbir termınder naqtylanyp, redaksııalyq túzetýler engizý usynylyp otyr. Atap aıtqanda, «dıetalyq (emdik jáne profılaktıkalyq) tamaqtanýǵa arnalǵan arnaıy ónimder» degen uǵym «dıetalyq emdik jáne dıetalyq profılaktıkalyq tamaqtanýǵa arnalǵan taǵam ónimderi» dep ózgertiledi.
Sonymen qatar ortasha jalaqyny esepteý kezinde eskerilmeıtin tólemder tizimine qatysty da naqtylaýlar bar. Jobaǵa sáıkes, mundaı tólemder qataryna jumys berýshi tarapynan beriletin sút nemese oǵan teńestirilgen taǵam ónimderi, dıetalyq emdik jáne profılaktıkalyq taǵam ónimderi, sondaı-aq eńbek zańnamasynda kózdelgen arnaıy kıim men jeke qorǵanys quraldarynyń quny engiziledi.
Atalǵan qujat «Ashyq NQA» portalynda jarııalanyp, 12 mamyrǵa deıin qoǵamdyq talqylaýda bolady.
Aıta keteıik, buǵan deıin Eńbek mınıstrligi eń tómengi jalaqyny kóterý merzimine qatysty da túsinik bergen bolatyn.
