Foto: Vıdeodan alynǵan kadr
Oqıǵa 22 sáýir kúni turǵyn úılerdiń janyndaǵy qurylys alańynda tirkelgen. Turǵyndardyń aıtýynsha, kópqabatty úıler salynyp jatqan aýmaqtyń janynan transformatorlyq qosalqy stansadan tartylǵan joǵary kerneýli elektr jelisi qorshaý boıymen júrgizilgen.
Kýágerlerdiń sózine qaraǵanda, balalardyń biri qurylys aýmaǵyna túsken dopty alý úshin qorshaýdan asýǵa áreket jasaǵan. Sol sátte ony toq soqqan. Oǵan kómektespek bolǵan taǵy eki bala da zardap shekken.
Qaraǵandyda shatyrdan kirpish qulap, 3 jastaǵy bala zardap shekti
Qaraǵandy oblystyq densaýlyq saqtaý basqarmasynyń málimetinshe, balalar aýrýhanaǵa jetkizilgen kezde jaǵdaıy ortasha aýyr dep baǵalanǵan. Olar bastapqyda jansaqtaý bólimine jatqyzylyp, tıisti em alǵan. Qazirgi tańda úsh bala profıldi bólimge aýystyrylyp, dárigerlerdiń baqylaýynda em qabyldap jatyr.
Jergilikti turǵyndar buǵan deıin de qaýipti elektr jelisine qatysty tıisti organdarǵa birneshe ret shaǵymdanǵanyn aıtady. Olardyń sózinshe, sońǵy ret foto jáne vıdeo dáleldermen 2 naýryz kúni ótinish joldanǵan.
Astanada kópqabatty úıdiń terezesinen qulaǵan bala qaza tapty
Qaraǵandy oblysynyń polısııa departamenti «salǵyrttyq» baby boıynsha qylmystyq is qozǵalǵanyn habarlady. Qazirgi ýaqytta oqıǵanyń barlyq mán-jaıyn anyqtaý úshin tergeý amaldary júrgizilip jatyr.
