Foto: Ashyq derekkóz
Jańa júıe bankaralyq mobıldi tólemder ınfraqurylymy negizinde jumys isteıdi jáne klıentterge ártúrli bankter arasynda telefon nómiri arqyly aqsha aýdarý, sondaı-aq QR-kod arqyly tólem jasaý múmkindigin qarastyrady.
Ulttyq bank málimetinshe, tıisti zańǵa engizilgen ózgerister kúshine engennen keıin bólshek tólemdermen jumys isteıtin barlyq bankter júıege qosylýǵa mindetteledi. Bankter belgilengen merzimge deıin tehnıkalyq daıyndyqtan ótip, klıentterge jańa servısterdi usynýy tıis.
Qazirgi ýaqytta 16 bank júıege qatysýyn rastaǵan. Onyń ishinde 12-si – bankaralyq aqsha aýdarymdardy, 7 bank jáne «Qazposhta» QR-tólemderdi iske qosqan.
Ulttyq bank júıeniń tehnıkalyq turǵydan tolyq daıyn ekenin, alaıda engizý qarqyny ár banktiń ishki daıyndyǵyna baılanysty ekenin atap ótti. Biryńǵaı QR júıesin engizý bankterdiń óz jeke tólem servısterin damytýyna shekteý qoımaıdy.
