Foto: Aqorda
«Táýelsizdiktiń alǵashqy jyldarynan bastap elderimiz arasynda dostyq qarym-qatynas ornady. Izraıl Memleketi Qazaqstannyń egemendigin alǵashqylardyń biri bolyp moıyndady. 1993 jyly dıplomatııalyq ókildikterimizdi ashtyq. Sodan beri belsendi saıası dıalog qalyptasty. Saýda-ekonomıkalyq jáne ınvestısııalyq yqpaldastyqta eleýli jetistikterge qol jetkizdik», dedi Qasym-Jomart Toqaev.
Prezıdenttiń pikirinshe, Ibrahım kelisimderi óńirlik turaqtylyqqa, saýda-ekonomıkalyq yntymaqtastyqty jandandyrýǵa berik negiz qalaıdy.
«О́zińizge málim, Qazaqstan buǵan deıin qabyldaǵan sheshimin ustanady. Ibrahım kelisimderine resmı túrde qosylý rásimin taıaý keleshekte Astanada uıymdastyrýǵa bolady dep esepteımiz. Sonymen qatar jasandy ıntellekt jáne sıfrlandyrý salalaryndaǵy yntymaqtastyqty nyǵaıtýǵa múddelimiz. Bıyl Qazaqstanda Jasandy ıntellekt jáne sıfrlandyrý jyly bolyp jarııalandy. Men bul máselege aıryqsha mán beremin», dedi Memleket basshysy.
Aqordada Izraıl Prezıdentin saltanatty qarsy alý rásimi ótti
Ishak Gersog Qazaqstan men Izraıl arasyndaǵy áriptestik qarqyndy damyp kele jatqanyn aıtty
«Prezıdent myrza, Qazaqstan toleranttylyq pen konfessııaaralyq dıalogtyń biregeı úlgisin kórsetip otyr. Sol úshin Sizge alǵys aıtamyn. Sonymen qatar eki el arasyndaǵy iskerlik baılanystar men taýar aınalymyn arttyrýǵa múmkindik mol ekenine nazar aýdarǵym keledi. Bul baǵytta naqty sharalar qabyldaı alamyz. Atap aıtqanda, biz tikeleı áýe qatynasyn ashýǵa múddelimiz. Ol iskerlik jáne saýda qatynastaryna oń yqpal etedi. Budan bólek, ekijaqty quqyqtyq-kelisimshart bazasyn keńeıtýge nıettimiz. Qazirgi kezde birqatar kelisim, sonyń ishinde qosarlanǵan salyqty alyp tastaý týraly ýaǵdalastyq pysyqtalyp jatyr», dedi Izraıl Prezıdenti.
Memleketter basshylary óńirlik jáne halyqaralyq ózekti máseleler jóninde pikir almasty.
Kelissóz qorytyndysy boıynsha taraptar turaqty saıası dıalogty jalǵastyrýǵa, barlyq deńgeıdegi yqpaldastyqty jandandyrýǵa, sondaı-aq birlese kúsh jumyldyra otyryp seriktestikti jańa ári sapaly kezeńge shyǵarýǵa kelisti.
Memleket basshysy men Izraıl Prezıdenti shaǵyn quramda kelissóz júrgizdi
