Pavlodar oblystyq jedel járdem stansııasynyń málimetinshe, 41 jastaǵy Aqtoǵaı aýdany turǵyny óz aýlasynda garaj shatyrynan qulaǵan shıferdiń soqqysynan jaraqat alǵan. Ol bet jaraqatymen aýdandyq aýrýhanaǵa jetkizilgen.
Sondaı-aq 1992 jylǵy áıel adam Pavlodar qalasynda kóshede júrip kele jatqan sátte aǵash butaǵynyń qulaýynan zardap shekken. Zardap shegýshi medısınalyq mekemege jetkizilgen.
Medısınalyq qyzmet ókilderiniń aıtýynsha, barlyq naýqastarǵa qajetti kómek kórsetilip jatyr.
Pavlodarda salynyp jatqan Ertis kópirinde ekinshi ret órt shyqty
Budan bólek, 29 shatyr ushyp, kópqabatty jáne jeke úıler, áleýmettik nysandar zardap shekken. Elektr jelileriniń úzilýine baılanysty 36 eldi mekendegi 5 myńǵa jýyq abonent jaryqsyz qalǵan. Tótenshe jaǵdaı saldaryn joıý jumystary kúni boıy júrgizilip, birqatar aqaýlar qalpyna keltirilgen.
Qaraǵandy oblysynda da jeldiń ekpini 25-33 m/s-qa deıin jetken. Sonyń saldarynan turǵyn úıler, áleýmettik jáne ákimshilik nysandar, sondaı-aq kommýnaldyq ınfraqurylym zaqymdanǵan.
Elimizdiń birneshe oblysynda túnde úsik júredi: 28 sáýirge arnalǵan aýa raıy boljamy
Juldyz eldi mekeninde qatty jel saldarynan jergilikti mekteptiń shatyry ushyp, amamen 400 sharshy metr shatyr jerge qulaǵan. Sonymen qatar turǵyn úıler men kólikterdiń terezeleri synǵan jaǵdaılar tirkelgen.
Mamandar turǵyndarǵa qolaısyz aýa raıy kezinde qaýipsizdik sharalaryn saqtap, ashyq aýmaqtarda júrmeýge keńes beredi.
