Foto: Ashyq derekkóz
Negizgi jańashyldyq retinde Smart Cargo sıfrlyq platformasy engizilip jatyr. Júıe memlekettik organdar men bıznesti biriktirip, júk derekterine QR-kod arqyly qol jetkizýdi qamtamasyz etedi. Sonymen qatar qujattardy avtomatty tekserý, marshrýttardy qurý jáne qajetti ruqsattardy anyqtaý fýnksııalary qarastyrylǵan. Osy sheshimniń nátıjesinde shekaradan ótý ýaqyty qazirgi shamamen 4 saǵattan 30 mınýtqa deıin qysqarady dep kútiledi.
Shekaradaǵy kezek azaıady: О́tkizý beketterinde 200 oryndyq avtoturaqtar salynady
«Biryńǵaı ıntellektýaldy kólik júıesi e-Kólik qalyptasyp jatyr.. Platforma QazTech bazasynda qurylady jáne barlyq kólik túrlerin biriktiredi. Bul derekterdi jınaýǵa, óńdeýge, kólik aǵyndaryn boljaýǵa jáne sheshimderdi avtomatty túrde qabyldaýǵa múmkindik beredi», dep atap ótti mınıstr.
Sıfrlyq júıe kólik basqarý kezinde telefon qoldanýdyń 6 deregin tirkedi
Mınıstrdiń sózinshe, temirjol salasynda da sıfrlandyrý jobalary qolǵa alynǵan. Sonyń biri – KinetiX dıagnostıkalyq júıesi. Buryn vagondardy tekserý qolmen júrgizilip, 2 saǵatqa deıin ýaqyt alatyn bolsa, qazir júıe 9 negizgi parametr boıynsha avtomatty túrde 8 mınýt ishinde dıagnostıka jasaıdy. Jasandy ıntellekt pen beıneanalıtıka aqaýlardy anyqtap, derekterdi naqty ýaqyt rejıminde óńdep, esep beredi.
