Foto: Vıdeodan alynǵan kadr
Oqıǵa Threads áleýmettik jelisinde jarııalanǵan jazbadan keıin belgili boldy.
«Bizge qarsy dámhanadan otshashý qoraptaryn ustaǵan adamdar shyqty. Birneshe mınýttan keıin olar otshashýdy tikeleı saıabaqtyń ishinde ata bastady. Biraq birdeńe durys bolmaı qaldy. Qorap aýdarylyp ketip, snarıadtar jan-jaqqa ushyp, aınalasyndaǵy adamdardy «oqshaýlaı» bastady», dep jazdy jazba avtory.
Almaty qalalyq Polısııa departamenti Almaly aýdandyq basqarmasy bul derek boıynsha tekserý júrgizip jatqanyn rastady. Qazirgi ýaqytta oqıǵaǵa qatysýshylar men barlyq mán-jaılar anyqtalyp jatyr. Tekserý nátıjesi boıynsha kináli tulǵalardyń is-áreketine quqyqtyq baǵa berilip, qoldanystaǵy zańnamaǵa sáıkes sharalar qoldanylady.
Aıta keterligi, 102-ge bul oqıǵa boıynsha eshqandaı habarlama túspegen. Tártip saqshylary mundaı jaǵdaılarda dereý polısııaǵa habarlasý qajettigin eskertedi.
Oqys oqıǵadan eshkim zardap shekken joq.
