Foto: jebeu.kz
Taratylǵan vıdeoda Azat Qońǵyz esimdi azamat dombyra, gıtara, balalaıka jáne basqa da ishekti mýzykalyq aspaptardy ıslam turǵysynan tyıym salynǵan dep málimdegen. Ol óz sózinde bul pikirdi din ǵalymdary men ımamdarǵa siltep jetkizgen.
«Bul týraly mýftıler, hanafı mázhabynyń ǵalymdary, fakıhter men ımamdar aıtqan. Tipti ony bir sát tyńdaýdyń ózi kúná sanalady», degen ol vıdeoda.
Atalǵan jazba áleýmettik jelide keń taralyp, qoǵamda qyzý talqylaý týǵyzdy. Sebebi dombyra – qazaq halqynyń ulttyq mádenıetiniń mańyzdy sımvoly.
Osy jaǵdaıdan keıin Aqtóbe oblysy polısııa departamentiniń ekstremızmge qarsy is-qımyl basqarmasy azamatty anyqtap, ustaǵan. Qazirgi ýaqytta is boıynsha sotqa deıingi tergeý júrgizilip jatyr.
«Sotqa deıingi tergeý amaldary júrgizilip, oqıǵanyń barlyq mán-jaıy anyqtalyp jatyr», dep habarlady polısııa.
Vedomstvonyń málimetinshe, Qazaqstan zańnamasynda dinı alaýyzdyqty qozdyrǵany úshin qylmystyq jaýapkershilik qarastyrylǵan, bul bap boıynsha bas bostandyǵynan aıyrý jazasy qarastyrylýy múmkin.
Dombyra haram ba, qandaı ánge sharıǵat tyıym salǵan - Múftııat jaýaby
